Popular Bible Verses from Ade 10

Share

Akee Ɛdɛnkɛma zele Mosisi kɛ, “Kɔ belemgbunli ne ɛkɛ, ɔluakɛ memaa ye nee ye mgbanyima ne mɔ ahonle ɛyɛ se, amaa meahile bɛ me sɛkɛlɛneɛ ɛhye mɔ wɔ bɛ avinli, na wɔabɔ ye nolo wɔahile ɛ mra nee ɛ mra amra, kɛ menzile menyɛle Yigyibitima nee sɛkɛlɛneɛ mɔɔ menyɛle wɔ bɛ avinli la, na ɛdawɔ noko wɔanwu kɛ medame a mele Ɛdɛnkɛma a.”

Akee Ɛdɛnkɛma zele Mosisi kɛ, “Tende ɛ sa anwomanyunlu maa awozinli kabikabi mɔɔ kɛde menli ne kpalɛ kpalɛ la ɛva Yigyibiti azɛlɛ ne.” Yemɔti Mosisi dendenle ɔ sa anwomanyunlu na awozinli kabikabi vale Yigyibiti maanle ne kenle kɔkɔlɛ nsa. Yigyibitinli biala annwu ɔ gɔnwo, yɛɛ Yigyibitinli biala anvinde toonwo kenle nsa. Na ɛleka mɔɔ Yizilayɛma de la ɛdeɛ, wienyi dale ɛkɛ.

Yemɔti Mosisi manle ɔ sa zo wɔ Yigyibiti azɛlɛ ne azo, na Ɛdɛnkɛma manle aduduleɛ anwoma dule azɛlɛ ne azo ewia ne nee nɔe ne; ye nwonlomɔ ne ɛnee aduduleɛ anwoma ne ɛmaa abɛbɛ ɛbu azɛlɛ ne azo. Abɛbɛ ne mɔ rale Yigyibiti azɛlɛ ne azo, bɛvale maanle ne ɛleka biala na bɛbɔle bɛ nwo atɛnlase. Bɛ pinopino ɛdeɛ, bieko ɛtɛbale, yɛɛ bieko ɛnrɛra ɛlɛ.