Popular Bible Verses from Na Faataia 21

Share

Ma i nia tara ka uusua kafo ni aangilaa faasia na maada. Na maea ma na liobukonulaa ma na aangia ma na fiilaa tara ka langi naa, sulia na doo kwali gi e sui naa.>>

Sui na wane na e gwouru ana si gula ni gwourua ana initooa ka bae urii, <<Si kada naa, nau ku faafaalu na doo gi sui!>> Ma i nia ka bae laugo urii fuagu, <<O kedea si doo nae gi, sulia si baea nae gi e mamana ma si baea ni manata ngadolaa ana gi.>>

Ma nau ku rongoa tee lingee doo baita e bae mai faasia na gula ni gwourua ana initooa ka urii, <<Na fera a God e too naa siana na tooa gi. Ma nia tara ka too fai gera ma i gera naa na tooa nia gi. Ma a God i talana tara ka too fai gera ma i nia naa na God fuada.

Ma i nia ka bae urii, <<Si doo nae gi e sui naa nae! I nau na Alfa ma na Omega, na hahafalilana ma na susuilana na doo gi sui. Ma ni tei naa e maeligwou, nau tara ku falea oꞌoni si mae kafo ana mouria fuana, ma nia langi kasi folia.

Ma ta wane na e saitasa, i nia tara nia ka too ana doo naa: i nau kuka God fuana ma ni nia na wela nau.

Haia, na tooa gi na da tafi sulia daka mou, ma na tooa gi na da hau ana na maalimaea nau gi, ma na tooa na da iilia na doo taꞌa gi, ma na tooa hauwane gi, ma na tooa ooeoe gi, ma na tooa aaruaru gi, ma na tooa gi na da fooasia na nunui doo haungailana gi, ma na tooa susuge gi sui, si gula fuada naa na i laona aasi nae ana eere ma na sulfa. Ma nia naa na ruana na maea.>>

Sui nau ku rikia na fera i langi faalu ma na molaagali faalu. Na fera i langi totongenao ma na molaagali totongenao e langi ana naa ma na aasi ka langi ana naa.

Ma ku rikia na fera baita aabu naa na Jerusalem faalu e sifo mai faasia a God i langi. Ma da aade aagau ana iilingia na geni fungao na da laungia sui naa uria na daotoolaa na aarai nia.

Na fera baita nae e langi kasi dooria lau na hato ma langi na sinali ka talafia. Sulia na initooa a God naa na e talafia ma na gale Sipsip nae na kwesu nia. Na tooa gi la molaagali tara daka bobola uria falilaa sulia na raralaa nae, ma na aaofia gi tara daka ngalia mai na todadoo gera gi uria i laona.