Popular Bible Verses from Romanfoɛ 6

Share

Ofikyɛ bɔne akatuaa ole ewue; na Nyameɛ adom akyɛdeɛ ole daa ngoa wɔ y’Awurade Yesu Kristo nu.

Nnɛmɔma bɔne di ɛmɔ so hene, ofikyɛ nna mmeraa bo yeɛ ɛmɔwura ɔ, na mmom ɛmɔwura Nyameɛ adom bo.

Yiti basie yɛ ne ye wɔ asubɔlɛ nu bahɔ ye wue nu. Ofikyɛ kyɛbɔ Baba n’animnyam tumi ne tingyele Kristo fili awufoɛ nu ne, sɔ ala yeɛ ɔsɛ kyɛ yɛnate ngoa foforɛ nu ɔ.

Afei, nnɛma ɛmɔfa ɛmɔ nipadua akwaa biala bɛma bɔne ná wamva wanyɔ amumuyɛɛ, na mmom ɛ́mɔfa ɛmɔ nwo bɛ́ma Nyameɛ kyɛ bɛ bɔ befi ewue nu bahɔ ngoa nu ɔ. Ɛ́mɔfa ɛmɔ nwo amukoraa bɛ́ma ye, ná ɔfa yɔ tenenee nnwumaa.

Yɛse kyɛ babɔ yɛ sona sue daa ne ne Kristo mmeamudua nu, kyɛbɔ yɛ bɔne nipadua ne kowu na yanyɛ bɔne ngoaa ko ɔ.

Sɔ ala yeɛ odi kyɛ ɛmɔbu ɛmɔ nwo kyɛ bɔne olle ɛmɔ so tumi ko ɔ, na ɛmɔte ase wɔ Kristo Yesu nu ma Nyameɛ.

Afei yɛkã ye sɛ? Yiti yɛhɔ so yɛyɔ bɔne, amaa yanya Nyameɛ adom ne mmorosoɛ anaa? Dabida! Yɛ bɔ yawu yafi bɔne nu ne, ɔkɔyɛ sɛɛ ná yahɔ so yatena bɔne nu?

Ɛmɔnze kyɛ sona bɔ ɛmɔyɛ sotie bɛma ye ne, sɔ sona ne yeɛ ɛmɔte ye ngoaa ɔ, ɛmɔte ngoaa bɛma sona bɔ ɛmɔyɛ sotie bɛma ye ɔ, kyɛ bɔne bɔ ɔfa wɔ kɔ ewue nu oo, anaakyɛ sotie bɔ ɔfa wɔ kɔ tenenee nu oo?

Ɛmɔma yɛla Nyameɛ ase! Ofikyɛ ɛmɔayɛ bɔne ngoaa le, na afei de ɛmɔafa b’ahone mukoraa bayɛ sotie bama nahorɛ, bɔ ɛmɔanya bafi ngyerɛkyerɛ bɔ bɛfa bɛmane ɛmɔ ne anu ne. Na afei ɛmɔanya fawɔnwodi bafi bɔne nu, na ɛmɔayɛ tenenee ngoaa.