Popular Bible Verses from Romanfoɛ 14

Share

Ofikyɛ Nyameɛ ahennie ne ɔtte aleɛ ne anonneɛ, na mmom ɔte tenenee, asomdwee ne anika bɔ ofi Sunzum Krongron ne berɛ ɔ. Na sona bɔ ɔso Kristo wɔ atee sɔ ne aso ne, ɔsɔ Nyameɛ nye, na mmenia bu ye.

Na sɛ yɛte ase a, yɛte yɛma Awurade, yeɛ yɛwu koso a, yɛwu yɛma Awurade. Yiti sɛ yɛte ase oo, sɛ yɛwu oo, yɛte Awurade deɛ.

Yiti ɛmɔma yɛli nningyein bɔ bɛma asomdwee ɔne bɔ ɔfa ngɔsoɛ brɛ yɛ si.

Yiti ɛ́mɔma yɛyakyi kyɛ yɛkobua yɛ nwo yɛ nwo ndɛen ɔ. Na mmom ɛ́mɔma yɛyɛ y’adwene kyɛ yɛngɔfa pambim anaa sundidua yɛngɔto yɛ biɛngo atee nu ɔ.

Ofikyɛ bahyerɛ kyɛ, “Awurade nwa, kyɛ nde ase ye de, nangoroma mukoraa bɛkɔkoto me, na noa mukoraa kɔbɔ Nyameɛ dumaa. Yiti yɛ nu biala kobu ye bɔbɔ ye nwo ngondaa kohyire Nyameɛ.

Sona bɔ ɔyɛ mmerɛ wɔ gyidie nu ne, ɛ́mɔle ye bɛto nu, na nnɛma ɛmɔ ne ye su aporowaa fa nikyee bɔ ɛmɔ ne ye nyɛ adwene nwo.

Wɔ ole nwa bɔ ebua ebie akoaa ndɛen ɔ? Ye bɔbɔ ye mene yeɛ okohyire kyɛ ɔsɔ ye nye anaa ɔnzɔ ye nye ɔ. Na ɔkɔsɔ ye nye, ofikyɛ Awurade kora maa ɔsɔ ye nye.