Popular Bible Verses from Asomafoɛ 11

Share

Na onwuni Sɔɔlo nen, ɔfale ye wale Antiokia. Bɛ munyɔ bɛ ne Antiokia asɔremma ne bɛtenane afoɛ ko mumua, na bɛyɛle ngyerɛkyerɛ behyirele mmenia pee. Na Antiokia berɛ yeɛ belili moa bɛfrɛle agyidifoɛ nemɔ Akristofoɛ ɔ.

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade. Né Banaba te sona paa bɔ Sunzum Krongron ne gyidie ayi ye tɛkyɛ ɔ, na ɔhwene mmenia pee maa beelili Awurade si.

Na sɛ Nyameɛ yeɛ ɔfale akyɛdeɛ komapɛ ne mane bɛ, kyɛbɔ ɔfa mane yɛ wɔ mmerɛ bɔ yɛlele Awurade Yesu Kristo yɛlili ne a, né me ole nwa bɔ mekora mesi Nyameɛ ate ɔ?” Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”