Popular Bible Verses from ʻO KA ʻEPISETOLE A PAULO KA LUNAʻŌLELO I KO ROMA 11

Share

No ka mea, nāna mai, a ma ona lā, a nona nō hoʻi nā mea a pau; iā ia ka hoʻonani mau loa ʻia aku. ʻĀmene.

¶ Nani ka hohonu o ka waiwai a me ke akamai, a me ka ʻike o ke Akua! Nani hoʻi ke kupanaha o kona mau manaʻo, a me ka ʻike ʻole ʻia aku o kona mau ʻaoʻao!

No ka mea, «ʻo wai lā ka mea i ʻike i ka naʻau o ka Haku? ʻO wai akula hoʻi kona hoa kūkākūkā?

Pēlā hoʻi i kēia manawa, ua koe mai kekahi poʻe ma ka wae ʻana o ka lokomaikaʻi. A inā ma ka lokomaikaʻi, a laila ʻaʻole ma nā hana. A i ʻole pēlā, a laila ʻo ka lokomaikaʻi, ʻaʻole ia he lokomaikaʻi. Akā inā ma nā hana, ʻaʻole ma ka lokomaikaʻi, a i ʻole pēlā, a laila, ʻo ka hana ʻaʻole ia he hana.

A inā i haʻihaʻi ʻia kekahi mau lālā, a ʻo ʻoe he ʻoliva ulu wale, i pākuʻi ʻia, ma ko lākou wahi, e loaʻa pū ana iā ʻoe ko ke kumu, a me ka momona o ka ʻoliva; mai hoʻokiʻekiʻe aʻe ʻoe ma luna o nā lālā; akā, inā hoʻokiʻekiʻe aʻe ʻoe, ʻaʻole e kau ke kumu ma luna ou; akā, ʻo ʻoe ma luna o ke kumu.