Popular Bible Verses from KA ʻEUANELIO I KĀKAU ʻIA AI E MAREKO 4

Share

A laila kū aʻela ia i luna, pāpā aʻela i ka makani, a ʻōlelo aʻela i ka moana wai, “Hāmau, e noho mālie.” Oki ihola ka makani, a pohu maikaʻi ihola. ʻĪ maila ʻo ia iā lākou, “No ke aha lā ʻoukou i makaʻu ai? Pehea ko ʻoukou manaʻoʻiʻo ʻole ʻana?”

Weliweli loa aʻela lākou, ʻī aʻela kekahi i kekahi, “He aha lā ke ʻano o ia nei, i hoʻolohe pono ai ka makani a me ka moana wai iā ia?”

E moe ana ia ma ka uluna, ma ka hope o ka moku; hoʻāla aʻela lākou iā ia, ʻī akula, “E ke Kumu, he mea ʻole anei iā ʻoe ke make mākou?”

ʻĪ maila ʻo ia iā lākou, “E noʻonoʻo ʻoukou i kā ʻoukou mea e lohe ai; no ka mea, ma ke ana a ʻoukou e ana aku ai, ma laila e ana ʻia mai nō hoʻi ʻoukou pēlā; a e hāʻawi nui ʻia iā ʻoukou, i ka poʻe e hoʻolohe mai.

¶ ʻĪ maila ia, “Me nēia ke aupuni o ke Akua, me ke kanu ʻana a ke kanaka i ka hua ma ka lepo; a moe iho, a ala aʻe i ka pō, a me ke ao, e kupu aʻe ana ua hua lā a nui, ʻaʻole naʻe ia i ʻike.

“Inā he pepeiao ko ke kanaka e lohe ai, e hoʻolohe mai ia.”