Popular Bible Verses from KA ʻEUANELIO I KĀKAU ʻIA AI E MATAIO 5

Share

“ʻAʻole i hoʻā ʻia ke kukui i mea e waiho ʻia ai ma lalo iho o ke poʻi; akā, ma kahi e kau ai ʻo ke kukui, i mālamalama no ka poʻe a pau i loko o ka hale. “Pēlā ʻoukou e hoʻākāka aku ai i ko ʻoukou mālamalama i mua o nā kānaka, i ʻike mai ai lākou i kā ʻoukou hana maikaʻi ʻana, a i hoʻonani aku hoʻi lākou i ko ʻoukou Makua i ka lani.

“ʻO ʻoukou nō ka mālamalama o ke ao nei; ʻo ke kūlanakauhale i kū ma kahi kiʻekiʻe, ʻaʻole ia e nalowale.

¶ “Pōmaikaʻi ka poʻe i maʻemaʻe ma ka naʻau; no ka mea, e ʻike lākou i ke Akua.

¶ “Pōmaikaʻi ka poʻe pōloli, a make wai no ka pono; no ka mea, e hoʻomāʻona ʻia lākou.

“Eia hoʻi kaʻu e ʻōlelo aku nei iā ʻoukou, e aloha aku i ko ʻoukou poʻe ʻenemi, e hoʻomaikaʻi aku hoʻi i ka poʻe hōʻino mai iā ʻoukou; e hana lokomaikaʻi aku hoʻi i ka poʻe inaina mai iā ʻoukou; e pule aku hoʻi no ka poʻe hoʻohewa wale mai iā ʻoukou, a hana ʻino mai hoʻi iā ʻoukou

¶ “Pōmaikaʻi ka poʻe i haʻahaʻa ka naʻau; no ka mea, no lākou ke aupuni o ka lani.

¶ “Pōmaikaʻi ka poʻe ʻuao; no ka mea, e ʻī ʻia lākou he poʻe keiki na ke Akua.

¶ “Pōmaikaʻi ka poʻe e ʻū ana; no ka mea, e hōʻoluʻolu ʻia aku lākou.

¶ “Pōmaikaʻi ka poʻe i hoʻomaʻau ʻia mai no ka pono; no ka mea, no lākou ke aupuni o ka lani.

¶ “Pōmaikaʻi ka poʻe i aloha aku; no ka mea, e aloha ʻia mai lākou.

“E pōmaikaʻi ana nō ʻoukou, ke hōʻino mai kānaka iā ʻoukou, ke hoʻomaʻau mai nō hoʻi; a noʻu nei, e ʻōlelo wahaheʻe mai ai iā ʻoukou i nā mea ʻino a pau. “E hauʻoli ʻoukou, e ʻoliʻoli nui hoʻi; no ka mea, he nui ka uku no ʻoukou ma ka lani; pēlā lākou, i hoʻomaʻau aku ai i ka poʻe kāula ma mua o ʻoukou.

¶ “Pōmaikaʻi ka poʻe akahai; no ka mea, e lilo ka honua iā lākou.

“ʻO ʻoukou nō ka paʻakai o ka honua; akā, inā pau ka liʻu o ka paʻakai, pehea lā ia e liʻu hou ai? ʻAʻohe ona mea e pono ai ma ia hope, e kiola wale ia i waho e hehi ʻia ai e nā kānaka.

“E hemolele ʻoukou, e like me ka hemolele o ko ʻoukou Makua i loko o ka lani.

“Penei ʻoukou e ʻōlelo aku ai, ‘ʻO ka ʻae, he ʻae ia; ʻo ka ʻole, he hōʻole ia:’ a ʻo ka mea ʻoi aku i kēia, no ka ʻino mai ia.

¶ “Ua lohe ʻoukou i ka ʻōlelo ʻana mai, ‘«He maka no ka maka, a he niho no ka niho».’ “Eia hoʻi kaʻu e ʻōlelo aku nei iā ʻoukou, mai hoʻopaʻi aku i ka ʻino’; a ʻo ka mea nāna e papaʻi mai i kou pāpālina ʻākau, e hāliu aku ʻoe iā ia i kekahi.

“No ia hoʻi, a i hoʻohihia mai kou maka ʻākau iā ʻoe, e pōʻalo aʻe ia mea, a e hoʻolei aku, mai ou aku; e aho nou e lilo kekahi lālā ou, i ʻole e hoʻolei ʻia aku ai kou kino ʻokoʻa i loko o Gehena. “Inā hoʻi e hoʻohihia mai kou lima ʻākau iā ʻoe, e ʻoki ia mea, a e hoʻolei aku mai ou aku; e aho nou e lilo kekahi lālā ou, i ʻole e hoʻolei ʻia aku ai kou kino ʻokoʻa i loko o Gehena.