Popular Bible Verses from ʻO KA ʻEPISETOLE A PAULO KA LUNAʻŌLELO I KO GALATIA 4

Share

No ka mea, no ko ʻoukou keiki ʻana, ua hoʻouna maila ke Akua i ka ʻUhane o kāna Keiki i loko o ko ʻoukou mau naʻau, e kāhea ana, “E ʻAba, ka Makua!” No ia mea, ʻaʻole he kauā luhi ʻoe ma ia hope aku; akā, he keiki nō; inā he keiki, he hoʻoilina nō hoʻi na ke Akua ma o Kristo lā.

Akā, i ka hiki ʻana mai o ka manawa maopopo, hoʻouna maila ke Akua i kāna Keiki, a ka wahine i hānau ai, i hānau ma lalo o ke Kānāwai. E hoʻopakele aʻe i ka poʻe ma lalo o ke Kānāwai, i hoʻokama ʻia mai ai kākou he poʻe keiki.

ʻĀnō hoʻi, ua ʻike ʻoukou i ke Akua, he ʻoiaʻiʻo ua ʻike ʻia mai e ke Akua, pehea lā hoʻi ʻoukou i huli hou aku ai i nā ʻoihana mua palupalu ʻilihune, i nā mea a ʻoukou i makemake hou ai e hoʻokauā aku na lākou?