Popular Bible Verses from Romabii 14

Share

Ejaakɛ Nyɔŋmɔ maŋtsɛyeli lɛ jeee niyeli kɛ ninumɔ ni, shi moŋ jalɛ kɛ hejɔlɛ kɛ Mumɔ Krɔŋkrɔŋ mli miishɛɛ ni; ni mɔ ni sɔ̃mɔɔ Kristo yɛ enɛɛmɛi amli lɛ, Nyɔŋmɔ naa ehe tsuijurɔ ni esa gbɔmɛi ahiɛ hu.

Shi kɛji wɔhiɛ kã lɛ, Nuŋtsɔ lɛ wɔhiɛ kã wɔhã; ni kɛji wɔgboi hu, Nuŋtsɔ lɛ wɔgboi wɔhã. No hewɔ lɛ, wɔhiɛ kã jio, wɔgboi jio, Nuŋtsɔ lɛ nii ji wɔ.

No hewɔ lɛ, agbɛnɛ nyɛhãa wɔtiua hejɔlɛ nibii kɛ nibii ni wɔkɛhã wɔnanemɛi anane amɔ shi moŋ sɛɛ.

No hewɔ lɛ, nyɛkahãa wɔkojokojoa wɔhe dɔŋŋ; shi enɛ moŋ nyɛkojoa, akɛ mɔ ko kɛ tɛmɔnɔ ko akama enyɛmi gbɛ nɔ aloo eto lɛ pampi.

Ejaakɛ aŋma akɛ, “Nuŋtsɔ lɛ kɛɛ, ‘Akɛni mihiɛ kã nɛɛ nakutso fɛɛ nakutso aaakula shi ahã mi, ni lilɛi fɛɛ lilɛi aaajaje Nyɔŋmɔ atsɔ̃ɔ.’ ” No hewɔ lɛ, wɔteŋ mɔ fɛɛ mɔ baabu lɛ diɛŋtsɛ ehe akɔntaa ehã Nyɔŋmɔ.

Mɔ ni ji gbedelɔ yɛ hemɔkɛyeli mli lɛ nyɛherea lɛ atuu; shi nyɛkɛ lɛ akakojoa yɛ esusumɔi ahe.

Namɔ ji bo ni okojoɔ mɔ kroko wenuu? Edamɔ shi jio, egbee shi jio, lɛ diɛŋtsɛ enuŋtsɔ sane ni; shi eeedamɔ shi, ejaakɛ Nyɔŋmɔ yɛ hewalɛ ni eeehã edamɔ shi.