Popular Bible Verses from Romabii 12

Share

Ni nyɛkabaa nyɛjeŋ tamɔ jeŋbii, shi moŋ nyɛkɛ nyɛjwɛŋmɔ ni etsɔ̃ ehee lɛ afea nyɛhe gbɔmɛi hei, koni nyɛyoo nii ni ji Nyɔŋmɔ suɔmɔnaanii kpakpai ni sa ehiɛ jogbaŋŋ ni hi kɛwula shi lɛ.

No hewɔ lɛ, anyɛmimɛi, mikɛ Nyɔŋmɔ mlitsɔlɛ miikpa nyɛ fai akɛ nyɛŋɔ nyɛgbɔmɔtsei lɛ nyɛdamɔ shi akɛ afɔle ni hiɛ kã ni he tse ni sa Nyɔŋmɔ hiɛ; enɛ ji jamɔ ni sa.

Nyɛnyãa yɛ hiɛnɔkãmɔ mli; nyɛmiaa nyɛhiɛ yɛ amanehulu mli; nyɛhiɛa sɔlemɔ mli daa.

Kaahã efɔŋ miiye onɔ kunim, shi moŋ okɛ ekpakpafeemɔ aye efɔŋ nɔ kunim.

nyɛkɛ nyɛmimɛi asuɔmɔ ni mli wa asumɔsumɔa nyɛhe; mɔ fɛɛ mɔ atsɔ̃ hiɛ ekɛ woo ahã enaanyo.

Suɔmɔ lɛ osato akahi mli. Nyɛhia efɔŋ kwraa; nyɛ kpɛtɛa ekpakpa he

Kɛ aaaho lɛ nyɛgbɛfaŋ lɛ, nyɛkɛ gbɔmɛi fɛɛ ahia shi yɛ hejɔlɛ mli.

Suɔlɔi, nyɛkatɔa nyɛ diɛŋtsɛ nyɛhe owele, shi moŋ nyɛŋmɛa Nyɔŋmɔ mlifu lɛ gbɛ; ejaakɛ aŋma akɛ, “Minɔ ji oweletɔɔ, mi mato najiaŋ, Nuŋtsɔ lɛ kɛɛ.”

Nyɛmɔdɛŋbɔɔ lɛ naa akabaa shi; nyɛmumɔ lɛ he adɔa la; nyɛsɔ̃mɔa Nuŋtsɔ lɛ.

Shi miitsɔ̃ dromɔ ni akɛduro mi lɛ nɔ miikɛɛ nyɛteŋ mɔ fɛɛ mɔ akɛ, ekabu lɛ diɛŋtsɛ ehe tuutu fe bɔ ni sa; shi moŋ ejwɛŋ kɛ hiɛshikãmɔ, mɔ fɛɛ mɔ lɛ yɛ hemɔkɛyeli bɔ ni Nyɔŋmɔ ehã lɛ lɛ naa.

Nyɛkɛ efɔŋ akatoa mɔ ko mɔ ko efɔŋ najiaŋ; nyɛjwɛŋa nɔ ni yɔɔ fɛo yɛ gbɔmɛi fɛɛ ahiɛ nyɛtoa.

Nyɛjwɛŋjwɛŋa nyɛhe jwɛŋmɔ kome; nyɛkajwɛŋa henɔwomɔ jwɛŋmɔ, shi moŋ nyɛkɛ heshibalɔi lɛ abɔa. Nyɛkabua nyɛhe nilelɔi.

No hewɔ lɛ, kɛji hɔ̃mɔ miiye ohenyɛlɔ lɛ, hã lɛ nii eye; kɛji kumai miiye lɛ lɛ, hã lɛ nu enu; ejaakɛ kɛ ofee nakai lɛ, obaabua ŋai kɛ la naa oshwie eyiteŋ.

Nyɛjɔa mɛi ni waa nyɛ yi lɛ, nyɛjɔa ni nyɛkalomɔa. Nyɛkɛ mɛi ni nyãa lɛ anyãa, ni nyɛkɛ mɛi ni foɔ lɛ afoa.

Nyɛhãa mɛi krɔŋkrɔŋi lɛ ahiamɔ lɛ afea nyɛ hu nyɛhiamɔ; nyɛbɔa gbɔfeemɔ he mɔdɛŋ.

Ejaakɛ tamɔ bɔ nɔŋŋ ni gbɔmɔtso kome he lɛ wɔyɛ henii pii, shi henii lɛ fɛɛ tsuuu nitsumɔ kome lɛ, nakai nɔŋŋ wɔyi pii nɛɛ gbɔmɔtso kome ji wɔ yɛ Kristo mli, ni wɔteŋ mɔ fɛɛ mɔ lɛ enaanyohenɔ ji lɛ