Popular Bible Verses from Yesaia 6

Share

Kɛkɛ ni minu Nuŋtsɔ lɛ gbee ni miikɛɛ akɛ, “Namɔ matsu, ni namɔ aaatee ahã wɔ?” Mikɛɛ akɛ, “Naa mi! Tsu mi!”

Mɔnɛ boɔ ekɛɔ mɔnɛ akɛ, “Krɔŋkrɔŋ, krɔŋkrɔŋ, krɔŋkrɔŋ ji Yehowa, Taiatsɛ lɛ! Shikpɔŋ muu lɛ fɛɛ eyi obɔ kɛ enunyam lɛ.”

Kɛkɛ ni mikɛɛ akɛ, “Kpoo hã mi, shi milaaje! Ejaakɛ gbɔmɔ ni naabu he tseee ji mi; ni miyɛ maŋ ni emli bii awiemɔi ahe tseee ateŋ, ejaakɛ mihiŋmɛii ena maŋtsɛ ni ji Yehowa, Taiatsɛ lɛ!”

Afi nɔ ni Maŋtsɛ Uzia gbo lɛ, mina Nuŋtsɔ lɛ ni eta maŋtsɛ sɛi ni kwɔ gojoo ko nɔ. Atade yuu ni ewo lɛ eyi Sɔlemɔ we lɛ obɔ̃.

Ekɛ ŋai ni tsoɔ lɛ sa minaabu he, ni ekɛɛ akɛ, “Naa, akɛni enɛ esa onaabu he nɛɛ lɛ, ajie onɔsha lɛ, ni akɛ ohe esha efa bo.”

Serafim damɔ maŋtsɛ lɛ he kɛbɔle. Amɛteŋ mɔ fɛɛ mɔ yɛ fiji ekpaaekpaa. Ekɛ enyɔ haa ehiɛ, ni ekɛ enyɔ haa enaji ahe, ni ekɛ enyɔ hu filikiɔ.

Kɛkɛ ni serafim lɛ ateŋ mɔ kome filiki kɛba miŋɔɔ. Ehiɛ ŋai ni miitso ni ekɛ abɛɛle yakɔ yɛ afɔleshãa latɛ lɛ nɔ.

Ni Nuŋtsɔ lɛ kɛɛ mi akɛ, “Yaa koni oyakɛɛ maŋbii nɛɛ akɛ, ‘Nyɛkɛ nyɛtoi aaanu nɛ, shi nyɛnuŋ shishi, ni nyɛkɛ nyɛhiŋmɛii aaana nɛ, shi nyɛnaŋ shishi.’ ”

Kɛkɛ ni ekɛɛ mi akɛ, “Hã nɛkɛ maŋbii nɛɛ akpliŋ amɛtsui, ni ohã amɛtoi awa; asaŋ shwilamɔ amɛhiŋmɛii koni amɛkana nii; amɛkanu nii, asaŋ amɛkanu sane shishi ni amɛmiikpale ni amɛna tsamɔ.”