Popular Bible Verses from Sant Marc 14

Share

E diguè: Abba , Paire, tout vous es poussible à vous! aliunchas aquéu calice de iéu; mai dins acò fague-se noun ço que iéu vole, mai ço que voulès.

Vihas e pregas que noun intrés en tentacioun. L'esperit es proumte, e la car es feblo.

Veramen vous lou dise, ounte que se predique aquest Evangèli, dins lou mounde entié, countaran ço qu'elo vèn de faire e se souvendran d'elo.

E ié diguè: Es tristo, moun amo, à n'en mouri. Restas aqui e vihas.

Enterin que manjavon, Jèsu prenguè de pan, e l'aguènt benesi, lou pecè, ié dounè à-n-éli, disènt: Prenès, eiçò 's moun cors.

Aguènt pièi pres lou calice e rendu gràci, ié dounè e n'en beguèron tóuti. Em' acò ié venguè: Eiçò 's moun sang, lou sang de la nouvello alianço, que pèr noumbre de gènt sara 'scampa.

E Jèsu ié diguè: Sarés tóuti escandalisa raport à iéu,, aquesto niue; car es escri: Picarai sus lou pastre e li fedo se destroupelaran.

Aubouras-vous, anen! vès, aquéu que me dèu trahi es proche.

E ié venguè Jèsu: Veramen te lou dise, vuei meme, aquesto niue, de davans que lou gau ague canta dous cop, tres cop me renegaras.