Popular Bible Verses from पिलिपितोर 1

Share

देवुळि मियगा इद बेसतल कबळ कीयलाह सुरु कीता, अद कबळतुन कीसोरेन मनदग़ा. अद्रमे येसु किर्स्तु ओसो वायनद दिया एवनाह, तान मारिह कीयग़ाये, इद पोल्‍लोतगा नावा पूरा बर्वस मन्ह्‌ता.

मीट ओर्विह्‌क-ओर्वोग़ वीळिसि जीवा कीसोर दायना, देवुळतुन बेस पुनदना, देवुळतुह्‌क विचर वायनव पोल्‍लोङ बेव इनजोर, पुनदनद बुद दोर्कना इन्जि, नना पार्तना कीयलाह आतन. इद्रम आतेके, बेसताङ-बेसताङ पोल्‍लोङ बेव इनजोर पुनदा पग़यकिर. इद्रमलेह्‌का किर्स्तु वायनोग़ अस्के, मीट नेह्‌नोरिर ओसो कसुरलेवोरिर मनदकिर.

बाराह्‌क इतेके, नावा विचरते पिसना इतेके, किर्स्तुने मान ईस पिसना. हायना इतेक बार, ओनेकेन दायना, इद नावा पाय्दाये आयग़ा.

मीट बेसता कबुरतुन केंजिसि विस्वस कीतिर, अस्केडाह इतेके, इंजेक एवनाह, तान पोकुर कीयनद कबळते, मीट नाक तोळ ईसोर वायलाह आतिर. अदिह्‌क बेस्के मीक सीता कीय्ह्‌नन, अस्के मावा देवुळतुन जोहर कीय्ह्‌नन. ओसो मीट सबेटोरेनाह्‌क नना अमेसा देवुळतुन पका गिर्दाते पार्तना कीय्ह्‌नन.

उंद पोल्‍लो मात्रम सीता कीम्ह्‌टु: किर्स्तुना बेसता कबुर वेहतपे मीट ताकाटु. अस्के मीट विस्वसते मेग़्किसि, उंदि विचरते निच मह्‌निर इनजोर, नना मियगा वातेकाय, वावेकाय केंजकन. अहे बोग़े अद विस्वसतुन विळ्सनाह कीयनद आयो इन्जि, मीट उंदिय एकाते कह्‌टेम कीय्ह्‌निर इनजोर, इदिन वने नना केंजकन.

अद दिया नावा सेवाते बेदे लजाता पोल्‍लो दिसो आयग़ा इनजोर, नावा पूरा आसा मन्ह्‌ता. बह इतेके, इचानाह बेद्रम नना दीराते किर्स्तुना सेवा कीतन, अद्रमे इंजेक वने कीयलाह आतन. नना हातेकाय, पिसतेकाय, नावा सेवाते किर्स्तुना पेदिर बेरा आयग़ा.

बह इतेके देवुळि मीक देय्वा ईता, सिरप किर्स्तुन विस्वस कीयलाहिये आयो, मति ओनेनाह्‌क तिपल आयलाह वने देय्वा ईता.