Popular Bible Verses from 2 कुरिंततोर 1

Share

मावा सामि येसु किर्स्तुना देवुळबाबाह्‌कु जोहर आयि! ओग़ मावा जीवा लोपवाल बाबाल आंदोग़. ओग़ अमेसा जीवातुह्‌क सुकम एवाल देवुळबाबाल आंदोग़. ओग़ मावाङ सबे तिपल्कना वेलाते, मावा जीवातुन सितुर कीस्तोग़. बह इतेके ओग़ बेद्रम मावा जीवातुन सितुर कीस्तोग़, अद्रम माट वने बेदाय तिपलते मनवालोरा जीवातुन, सितुर कीयना इनजोरे.

माट किर्स्तुनेनाह्‌क बेचोन एक्‍वा तिपल आय्ह्‌नोम, अचोन एक्‍वा किर्स्तुना मेटे, देवुळि मावा जीवातुन सितुर कीस्ता. अदिनेनाह्‌क माट दुस्रोर मन्कलोरा जीवातुन सितुर कीया पग़यह्‌नोम.

निटम इंजेक अचोने, माक हामुरता सिक्सा दोर्कता इनजोर, विचर कीस मतोम. माट मावा कुदता पोग़ोन बर्वस तासवा, डोलतोरिन जीवा अर्हतनद देवुळता पोग़ोन बर्वस तासना इनजोर, इद्रम आस मता.

माक मीवा संगे किर्स्तुनगा जोळे कीसि, विस्वसते मेग़्किह कीयनदु, ओसो माक तनेनाह्‌क आचतदु, देवुळिये आंदु. माट ताना मन्कलोरल इनजोर, तना जीवातुन मयगा सीना लेह्‌का तासता. तान मावा जीवातगा इसर ईतप लेह्‌का ईता.

इंजेके वने माट तिपल आयलाह आतोम इतेके, अद मीवा जीवातुन देवुळ सितुर कीयि, मीक पिसिह कीयि इनजोरे. अद मावा जीवातुन सितुर कीस्ता इतेके, मीवा जीवातुन वने सितुर कीस्ता. अस्के मावा लेह्‌कान मीट वने तिपल आयह्‌पा, तिपल्किन आपिस मनदा पग़यह्‌निर.