अद्रमलेह्काने तितापया, अंगुर जोमा मतद बट्कितुन पोयतोग़, पोसि “इदिन उन्ह्टु! इद बट्किता अंगुर जोमा, नावा नेतुरता सीना आंदु. देवुळि लोकुरा संगे कीयनद पूना करलतुन, अद नेतुर निल्पिह कीस्ता. मीट इद्रम बेस्के उनडकिर, अस्के (नावा नेतुर मियेनाह्क पोवता इन्जि,) सीता कीस उन्ह्टु,” इतोग़. बह इतेके सामि वानाह्जोम, बेस्के-बेस्के जमा आस आरतुन तिह्निर, बट्किता अंगुर जोमातुन उह्निर, अस्के मियेनाह्क आतद सामिना हामुरता लोप्पा पोकुर कीकिर.