Popular Bible Verses from Lukas 10

Share

Kam tau to! Sa su kasi kam kuasa untuk injak ular deng kalajengking, juga untuk kas kala Iblis pu kuasa, sampe trada yang bisa siksa kam.

Tapi Yesus jawab dia, “Marta, Marta, ko sibuk kerja deng kuatir tentang smua-smua. Tapi hanya satu yang penting! Maria su pili yang baik, itu trakan dapa ambil dari dia.”

Orang itu de jawab, “Sayang ko pu Tuhan Allah deng sunggu-sunggu, deng smua ko pu hidup, deng smua tenaga, deng juga smua yang ko pikir, juga sayang orang lain sama sperti ko sayang ko pu diri sendiri.”

De bilang sama dorang, “Bua yang siap panen ada banyak. Tapi sdikit orang yang mo panen itu. Jadi, minta ke Bapa yang punya itu smua, untuk kirim orang-orang yang kerja panen itu.

Yesus tutup crita deng tanya, “Ko pikir sapa dari tiga orang itu, yang sayang sama orang lain yang dapa curi itu?” Guru agama de jawab, “Orang yang kas tunjuk kasian deng sayang sama dia.” Trus Yesus bilang, “Ko pigi baru ko harus bikin sperti itu juga.”

Skarang kam pigi deng ingat, Sa utus kam sperti anak domba ke tenga-tenga serigala.