Popular Bible Verses from Kisah Para Rasul 2

Share

Petrus jawab dong begini, “Kam smua harus tobat dari kam pu dosa-dosa trus kasi kam pu diri untuk dapa baptis dalam nama Yesus, Raja Yang Allah Pili. Deng begitu Allah mo kas ampun kam pu dosa-dosa, trus kam nanti trima hadia Roh Allah.

Deng satu hati dong blajar dari Yesus pu utusan-utusan, juga slalu kumpul sama-sama. Dong makan sama-sama deng bikin perjamuan trus doa sama-sama.

Trus Roh Allah kuasai dong smua, trus dong smua bisa bicara pake bahasa-bahasa lain yang dong dapat dari Roh Allah.

Tiba-tiba dong dengar ada bunyi dari langit sama sperti angin yang tiup kencang. De pu bunyi kuat skali sampe dong dengar di smua tempat dalam ruma yang dong ada kumpul. Begini dong liat satu barang yang sama sperti api yang turun. De pu bentuk macam lida-lida, yang tabagi-bagi di atas dong smua satu-satu. Trus Roh Allah kuasai dong smua, trus dong smua bisa bicara pake bahasa-bahasa lain yang dong dapat dari Roh Allah.

Trus stiap hari deng satu hati dong smua biasa kumpul di halaman Ruma Allah. Dong makan sama-sama dari satu ruma ke ruma lain deng snang skali juga deng hati baik. Dong slalu puji Allah, trus smua orang snang sama dorang. Stiap hari Tuhan tamba dong pu jumla orang yang percaya sama Yesus untuk dapa slamat.

‘Di akir jaman, Sa mo kas turun Sa pu Roh di atas smua orang. Supaya kam pu anak laki-laki deng prempuan juga mo bawa Sa pu pesan. Anana muda mo dapa kas liat dari Saya, trus orang-orang yang tua nanti dapat mimpi dari Saya.

Smua orang yang su percaya itu, dong smua slalu kumpul sama-sama. Dong pu harta yang ada smua, dong pake sama-sama. Trus slalu ada dari dong yang jual dong pu harta, trus uang dong bagi-bagi sama orang-orang yang memang perlu tu masing-masing.

Trus sapa yang minta tolong sama Tuhan, de yang dapa slamat.’”

Matahari mo bruba jadi glap skali, trus bulan mo jadi mera sama deng dara, seblum Tuhan pu hari jadi hakim untuk smua orang. Hari itu, hari yang besar deng luar biasa.