Popular Bible Verses from 1 Korintus 6

Share

Ato kam tra tau ka kalo kam pu badan tu Roh Allah pu ruma, Roh yang kam trima dari Allah sendiri, De yang tinggal di dalam kam, jadi kam pu badan tu bukan kam pu milik sendiri lagi. Karna kam su dapa bli, Allah su bayar kas lunas. Jadi pake kam pu badan untuk kas tinggi Allah pu nama.

Ato kam tra tau ka kalo orang-orang yang tra benar trakan dapat bagian waktu Allah jadi Raja? Jang dapa tipu! Orang yang bikin barang kurang ajar, semba patung-patung, tidur deng orang yang bukan de pu pasangan, laki-laki yang tidur deng laki-laki, tukang curi, rakus harta, tukang mabuk, tukang crita-crita orang deng tukang tipu, trakan dapat bagian waktu Allah jadi Raja.

Kas jau diri dari bikin barang kurang ajar! Karna smua dosa lain yang orang bikin tu, itu jadi di luar orang pu badan. Tapi orang yang bikin barang kurang ajar de bikin dosa ke de pu badan sendiri.

Ada yang bilang begini, “Sa bisa bikin apa saja,” tapi tra smua ada guna. Sa bisa bikin apa saja, tapi sa tra mau dapa kuasai dari apa saja.

Allah yang kas hidup Tuhan Yesus kembali, De yang nanti kas hidup tong kembali juga pake De pu kuasa.