Popular Bible Verses from Waroma 8

Share

Avo tuvitanga kamba kumwawo wene kumnogela Mulungu magweka gose gowataza kuwagolela ganogile; awo wayakemile, kawekila kulawa umwaka.

Kilumbo dino nidihuguza, haduhu chonda kitubagule na Kristo, vihawa kifo hebu upile, wahawa malaika hebu watawala, gahawa ga dilelo hebu gondageze ga mhiko, zihawa mbuli za uchana kuulanga hebu za hasi kuzimu, vihawa viumbigwe vose viyagwe, kuduhu chonda kidahe kutubagula tweye na unovu wa Mulungu, ulawile kwa Kristo Yesu Mndewa wetu.

Viyemela Iloho na Heyo kotutaza tweye tunyekile, kilumbo hamtangile kupula kamba vija vigambile; kileka Loho mwenyecho yotupulila, kamba tuhainyanyanha, haduhu kitulonga.

Gano gose mduganye vilihi? Nogesa Mulungu yahawa umwambu wetu, yalihi yonda yatuhume?

Avo haduhu kabili nhaguso ya wanhu wali hamonga na Kristo Yesu, walemaga kukoleleza ga kimunhu, wagogaga ga kiloho.

Kileka ngelegeza za kimunhu zigalaga kifo, bali ngelegeza za kiloho zigalaga upile na mulengemo.

Bali muna gamagweka higo gose tobanza kuhuma kwa mhiko zake Heyo yatunogele.

Kilumbo nogesa kamba kugazwa kuno kwa siku zino za sambi si kinhu, tuhagamba na ija iyenzi yonda tugubulilwe tweye.

Yalihi yonda yatubagule na nogelo jake Kristo? Migaduko hebu mibabano, kuwingigwa hebu nzala hebu ukulunge, kuhonzigwa hebu kukomwa?

Bali Mulungu yaitangile imiyoyo kagamanya gaja Loho goyolonda, kilumbo yopulila wangʼalile kwa Mulungu kugamba manogelwa gake.

Na waja wose wolongozwa na Loho ya Mulungu, wawo wanage Mulungu.

Kilumbo wagambile kimunhu, wagesaga magweka ga kimunhu, awaja wagambile kiloho, wawalangaga ga kiloho.

Hamonele bazi Mwanage mwenyecho, komu kamulava kwa kilumbo chetu tweye chose; avo honda yatugolele gose kumwake?

Hiyo Loho yake iyo izisindila loho zetu kamba tweye wanage Mulungu. Komu tuhawa wana, avo tugalamka wahazi, ona twa wahazi wa Mulungu, wonda wenghigwe uhalali hamonga na Kristo; kamba tuhagaduswa hamonga na Heyo, kwiza totunilwa hamonga na Heyo.

Kwa mzoko uja umuwalango wa kimunhu umwihilaga Mulungu, kabili haulonda kuidumba Inzuma ya Mulungu, kilumbo haudaha kuigoga.

Kwa mzoko viumbigwe vyose vololela nghani, vosulukila kugubulilwa kwa wana wa Mulungu.

Kwa mzoko tuvitanga kamba viumbigwe vyose vabaha hamonga na tweye, vogugumka vokinyanyanha, vokona usungu na dilelo.