Popular Bible Verses from 1 Wakorinto 12

Share

Komu kila munhu kogolelwa lugubulo lwa Loho, giladi waitaze wose.

Avo mweye mgalamka lukuli lwa Kristo, kila kilungo chokitaza na kiyagwe.

Avo kilungo kimwe kihatenheleka, vilungo vyose vitenheleka; na kilungo kimonga kihatunilwa, vilungo vyose vokimozamoza hamonga na kija.

Kwa mzoko munhu imonga kogolelwa na Loho gweka da nghungwe; na iyagwe kogolelwa gweka da fiyuko, kamba viyolonda Loho yuyuja. Iyagwe, nhamanilo muna Iloho yuyuja, iyagwe, mhiko za kuhonya wanhu muna Iloho yuyuja yumwe. Na iyagwe mhiko za kusanghana vilolomboto, iyagwe utulandagu; iyagwe, yadahe kubagula vigolelo vya Loho na vija vya utungulu; iyagwe, ulonzi yungwa wa Loho uno na uno; iyagwe, kufambula ulonzi yungwa hiwo.

Sanghano hizo zose kozitenda Loho yuyuja imonga, yomgolela kila munhu yaiyeka kamba viyolonda. Wasanghani wa didale wagalagwa na Yesu

giladi sukukulawilile muhasanyo mulukuli, bali vilungo viteganye kila kilungo na kiyagwe.

Vyemela kwabaho kwibanza muna vigolelo, bali Loho yuyo yuyuja yumwe. Kabili kwabaho kwibanza muna kusanghanika, bali Mndewa yuyo yuyuja yumwe. Vivija kwabaho kwibanza muna zimhiko, komu Mulungu yogela mhiko, kuno yosanghana muna iwanhu na vinhu vyose, yuyo yumwe.

Na Mulungu, kwa kilumbo cha didale da Yesu Kristo, kaweka lwa ichanduso watumigwa, lwekabili watulandagu, lwekadatu walangukizi, imalabaho mhiko za vilolomboto, imalabaho vigolelo vya kuhonya vyugulo, kwitaza, kulongoza, ulonzi yungwa uno na uno.

Kilumbo lukuli si kilungo kimwe, bali vilungo bwando.

Komu vija vilungo vya lukuli, vigesagwa kamba vinyeka nghani, vivo vilondwa nghani.

Kamba lukuli lose lugalamka siso, kwa kwahi kuhulika? Kamba lukuli lose lugalamka gutwi, kwa kwahi kunusiza? Komu Mulungu kavigela vilungo kila kimonga muna ulukuli kamba viyalondile. Vyemela kamba vyose vigalamke kilungo kimwe, lukuli luhawile kwahi?