Popular Bible Verses from Apocalipsis 6

Share

J paacatnajene' ca tin wilaj jun túul kam tzíimin, le máax nat'mailo' u kaaba'e' Quíimil, paachil ti'e' táan u taal u cúuchil le quimeno'obo'. Ca j dzaab páajtalil ti'e' tu yóokol u jun p'éel u can búujil yóokolcaabe' u ti'al u quiimse yéetel ba'atelil, yéetel wi'ijil, yéetel koja'anil bey xan yéetel u dzíidzic ba'alche'ilo'ob lu'um.

J paacatnejene' ca tin wilaj jun túul sac tzíimin, le máax nat'mailo' yaan jun p'éel julub che' tu kab. J dzaab jun p'éel péet jo'ol ti', ca jóok táan u dzáancha'ataj u ti'al u náajaltic u láak dzáanche'etajo'ob.

Le ca ja'at le quinto chíicul tumen le j Tamano, tin wilaj tu yáanal le u multuunil kultajo' u pixano'ob le máaxo'ob quiimsa'ano'ob tu yo'olal u t'aan Ku yéetel tu yo'olal le jaajcunaj tu beetajo'obo'.

Lelo'oba' cu ya'alico'ob yéetel ka'am t'aan: Quili'ich Yuumtzil máax u jaajil, ¿tac ba'ax kiin quéen a p'is óolt yéetel a sutic loob ti' le máaxo'ob caja'ano'ob yóokolcaabo' tu yo'olal tu wequilo'ob c ki'ikel? Ca j dzaab ti'ob sac nook u búuquinto'ob, ca a'ala'ab ti'ob ca u je'elsuba'ob u láak jun p'íit kiin, ca'aliquil u chúucpajal u numeroil u sucu'uno'ob yéetel u yéet palitzilo'ob ti' u meeyjul Cristo, máaxo'ob bíin quíimsa'aco'ob je'el bix leti'obe'.

Ca jóok u láak jun túul tzíimine' chac, le máax nat'mailo' tu kamaj páajtalil u ti'al u luksic jéedzelil yóokolcaab yéetel u beetic u quiimsicubáa wíinico'ob tu baatzilo'ob; ca j dzaab jun p'éel nojoch máascab ti'.

Tumen u nojoch kiinil u p'u'ujule' dzo'oc u kuchul. ¿Máax je'el u páajtal u wa'atal tu táane'?

Le ca tin wilaj u ja'atal le sexto chíicul tumen le j tamano', yanji jun p'éel nojoch quíilbal lu'um. Le kiino' p'áat boox bey jun p'éel box búuque', le ujo' p'áat tuláacal bey ki'ike', le u eekilo'ob ca'ane' j lúubo'ob j lu'um je'el bix le higuera cu jutic u yich le quéen péecsa'ac tumen ka'amcach iike'.

Le ca ja'at le u yóox p'éel chíicul tumen le j tamano', tin wu'uyaj le u ya'alic le yóox túul cuxa'an ba'alo': ¡Co'oten pacte! J paacatnejene' ca tin wilaj jun túul box tzíimin, le máax nat'mailo' yaan jun p'éel balanza tu kab. Ca tin wu'uyaj jun p'éel t'aan chúumuc ti' le cuxa'an ba'alo'obo' táan u ya'alic: Chéen u wuudz trigo tu yo'olal jun p'éel denario, óox wuudz cebadae' tu yo'olal jun p'éel denario xan; ba'ale' ma' kascuntic le aceiteo' mix le vinoo'.

Le ca'ano' j sa'at bey jun p'éel ju'un cu cóodzole'; tuláacal le pu'uco'ob yéetel le peteno'obo' luksa'abo'ob tu cúuchilo'ob. U ajawilo'ob yóokolcaabe' tu ta'acjuba'ob ichil sajcabo'ob yéetel ichil u nucuch tuunichil le pu'uco'obo', jun múuch' yéetel le u noojocho'obo', le ayikalo'obo', u nuuctaquil le soldado'obo', le mu'uka'antaco'obo' yéetel tuláacal le palitzilo'obo'