Popular Bible Verses from Santiago 5

Share

Le o'olale', cáant a kebane'ex ta baatzile'ex, yéetel payalchi'inene'ex ta baatzile'ex, u ti'al ca dza'abac a toj óolale'ex. Le payalchi' cu beeta'al yéetel kub óolal tumen jun túul máac utze' jach nojoch u páajtalil.

¿Yaan wa máax ti' te'ex táan u mukyaj? Unaj u payalchi'. ¿Yaan wa máax qui'imac u yóol? Unaj u kaay qui'iqui' kaayo'ob.

Le quéen payalchi'inaco'on yéetel ocsaj óolale', le koja'ano' yaan u tojtal u yóol, yéetel yaan u líiksa'al tumen Yuumtzil; yéetel wa kebanchaja'ane' yaan u sa'atal ti'.

¿Yaan wa máax koja'an? Unaj u t'anic u nuuquilo'ob le iglesiao', u ti'al ca payalchi'inaco'ob tu yo'olal yéetel u ti'al ca ji'ikabta'ac yéetel aceite tu kaaba' Yuumtzil.

ojéelte'exe' je'el máax ca u beet u suut le j keban u ti'al u p'atic u kaakas beele', bíin u toc ti' quíimil u pixan le j kebano', yéetel bíin u beet u sa'atal ya'abcach kebano'ob.