Popular Bible Verses from Gálatas 6

Share

Bey túuno', ma' unaj c ca'anal c beet utzi', tumen wa ma' tu lúubul c óole' tu kiinil bíin joochnaco'on.

Le o'olale', je'el ba'alac kiin cu páajtale' unaj c beetic utz ti' tuláacal, yáax táanile' ti' le sucu'uno'ob ti' le ocsaj óolalo'.

Áantaba'ex ta baatzile'ex u ti'al a bisique'ex a cuuche'ex, dzo'ocbese'ex beyo' u ya'almaj t'aan Cristo.

Ma' a tusicaba'ex: Kue' ma' tu páajtal u p'a'asta'al. Le ba'ax cu pakic máaque' le xan bíin u joche.

Wa yaan máax cu pakic ba'ax utz tu t'aan ti' u lu'umcabil wíinclile' bíin u joch quíimil. Ba'ale' wa cu pakic ba'ax utz tu táan Quili'ich Pixane', ti' le Quili'ich Pixano' bíin u joch cuxtal mina'an u xuul.

Sucu'une'ex wa ca wilique'ex yaan máax luba'an ti' kebane', te'ex mu'uka'ane'ex ti' a pixane'exe' unaj a wáantique'ex u ti'al ca líikic. Ba'ale' unaj a beetique'ex yéetel cabal óolal, yéetel cada jun túule' unaj u jach cananticubáa bic túunta'ac u yóol xan.

Tumen wa máax táan u tuculticubáa wa ba'axe' ba'ale' mix ba'ale', táan u tusicubáa tu juunal. Cada jun túule' unaj u yilic wa ma'alob ba'ax cu beetic. Wa cu qui'imactal u yóol tu yo'olale', lela' chéen u ti'al leti' ma' u ti'al u láak máaqui'. Tumen cada jun túule' yaan u bisic u cuuch.