Popular Bible Verses from Gálatas 3

Share

Cristoe' tu toco'on ti' u loolob t'aanil le a'almaj t'aano', tumen leti'e' loolob t'anta'ab t o'olal, tumen le Quili'ich Dzíibo' cu ya'alic: loolob t'anta'an tuláacal máax cu si'inil ti' che'.

Beoraa' ma' táan u yila'a wa judío, wa ma' judío; wa palitzil, wa ma' palitzil; wa xiib, wa co'olel; tumen le ca j nu'upe'ex ti' Cristo Jesuse' tuláacale'ex jun p'éelili'ex.

Wa u ti'ale'ex Cristoe', u ch'i'ibale'ex Abraham, yaan túun a kamique'ex le ba'ax u ya'almaj Ku u dzáico'.

Lela' j úuche' u ti'al ca dza'abac yo'olal Cristo Jesuse' ti' le máaxo'ob ma' judíobo' le qui'iqui' t'aan tu ya'alaj Ku ti' Abrahamo' u ti'al ca c kam xan, tu yo'olal le ocsaj óolalo', le Quili'ich Pixan u ya'almaj Ku u dzáico'.

cu yutzil na'ata'al túune' mix máac cu dza'abal ma'alobil tu táan Ku chéen tumen cu beetic le ba'ax cu ya'alic le a'almaj t'aano'; tumen le Quili'ich Dzíibo' cu ya'alic: Le máax dza'an ma'alobil tu táan Kue' bíin cuxlac tu yo'olal le ocsaj óolalo'.