Popular Bible Verses from Éxodo 34

Share

J máan tu táan Moisés, táan u ka'am a'alic: ¡Leti' Yuumtzil! ¡leti' Yuumtzil! ¡Ku muun u pucsi'ikal cu ch'a'a óotzilil, chuca'an yóol, nojoch u yaacunaj bey xan u jaajil! Ti' mil ch'i'ibalo'obe' ma' t kexic u yaacunaj, cu sa'atsic le loobilo', le ko'ox óolalo' bey le kebano'; ba'ale' ma' bíin u p'at x ma' jaadzil le máax sipa'ano', maanaltza yaan u jadzic tu yo'olal u si'ipil le taataobo' le paalalo', le áabilo'obo', le ca'a áabilo'obo' tac le óox áabilo'obo'.

Mix a kultique'ex u láak ku, tumen Yuumtzile' u p'eec u ke'exel, u kaaba'e', Junab Ku u p'eec u ke'exel.

Yuumtzile' tu ya'alaj: Ch'e'en xiquinte'ex: Tene', bejela'e' quin beetic jun p'éel nup t'aan tu táan tuláacal le caaja'. In ca'aj in beet jak óol ba'alo'ob mix jun téen beeta'ac ti' u caajilo'ob yóok lu'um, tuláacal le máaco'ob yano'ob ichile'exo' bíin u yilo'ob ba'axo'ob cu páajtal u beetic Yuumtzil, tumen jak óol ba'alo'ob bíin in beet ta wéetele'ex.