Popular Bible Verses from 2 Corintios 9

Share

Kue' cu páajtal u dzáic te'ex ya'ab ti' tuláacal u jejeláasil u yutzil siibalo'ob, beyo' ca yanac te'ex tuláacal ba'ax kabéet te'ex, cu dzo'ocole' ca yanac te'ex xane' ya'abcach ba'al u ti'al a wáantaje'ex ti' tuláacal u jejeláasil ma'alob meyajo'ob.

Cada jun túule' unaj u dzáic je'el bix u tucultmaj tu pucsi'ikale', ma' yéetel x ma' óoli', mix tumen táan u tza'abal tii', tumen Kue' u yaabilmaj le máax cu dzáa yéetel qui'imac óolale'.

Ka'ajac te'ex lela': Le máax cu pakal jun p'íite' jun p'íit xan bíin u joche; le máax cu pakal ya'abe', ya'ab xan bíin u joche.

Ku, máax cu dzáic le semilla u ti'al pakbilo', yéetel le waaj u ti'al jaantbilo', bíin u dzáa te'exe' tuláacal ba'ax kabéet u ti'al a pakale'ex, yéetel yaan u beetic u ch'íijil yéetel u ya'abtal u yich a ma'alob meyaje'ex. Beyo' te'exe' yaan u yantal te'ex tuláacal jejeláas ayikalil u ti'al ca páatac a dzáique'ex yéetel tuláacal a pucsi'ikale'ex. Beyo' t o'olale', le siibal can a túuxte'exo' yaan u beetic u dza'abal nib óolal ti' Ku.

¡Nib óolal ti' Junab Ku, tumen dzo'oc u dzáic to'on jun p'éel nojoch siibal ma' tu páajtal c tzolic!