Popular Bible Verses from 2 Corintios 3

Share

Yuumtzile' leti' le Quili'ich Pixano', yéetel je'el tu'uxac ca yanac u quili'ich Pixan Yuumtzile', te'elo' yaan jáalkabil.

Le o'olale' tuláacalo'on, tumen ma' pixa'an u táan c ich yéetel jun p'éel nooke', beyo'on jun p'éel néen cu ye'esic u qui'ichquelemil Yuumtzile'; bey túuno' to'one' táan c jelbesa'al u ti'al c béeytal asab je'el bix Cristoe', tumen u qui'ichquelemile' táan u yantal asab ti' to'on. Lela' Yuumtzil máax beetic tumen leti'e' Quili'ich Pixan.

Ba'ale' le quéen súutkajac u yóol jun túul máac ti' Yuumtzile', le nooko' cu lukul ti'.

Ma' tumen wa to'on c beetic wa ba'ax tu juunal c óoli'; tumen tuláacal ba'ax c beetique' ti' Ku u taal. Tumen leti' tu dzaj to'on u páajtalil c meyajtic yáanal jun p'éel túumben nup t'aan, ma' tu yo'olal wa ba'ax dzíiba'ani', ba'ale' tu yo'olal jun p'éel cuxtal kama'an ti' quili'ich Pixan. Le a'almaj t'aan dzíiba'ano' cu xot kinaj u ti'al quíimil, ba'ale' le Quili'ich Pixano' cu dzáic cuxtal.