Popular Bible Verses from 2 Corintios 12

Share

ba'ale' Yuumtzile' tu ya'alaj teen: Chéen in siibal utzil kabéet ti' teech, tumen in páajtalile' cu ye'esicubáa asab ma'alob wa jun túul máac mina'an u muuk. Bey túuno' cu qui'imacchajal in wóol tumen mina'an in muuk, u ti'al ca u ye'esubáa teen u páajtalil Cristo.

Le o'olal cu qui'imacchajal in wóol tu yo'olal le x ma' muukilo', le pooch'ilo'obo', le óotzililo'obo', le ch'a'apachtajilo'obo', yéetel le talamilo'ob quin mukyajtic tu yo'olal Cristo'. Tumen ca'aliquil asab mina'an in muuke', asab mu'uka'an in wu'uyiquinbáa.

Quex wa teen in káat t'aan utz tin wo'olale', ma' táan in beetic mix jun p'éel x ma' na'atil ba'ali', tumen bin in ca'aj in wa'al chéen u jaajil; ba'ale' ma' táan in beetique' u ti'al ma' u tucultic mix máac wa asaben ti' le ba'ax cu yilic ti' teno' wa ti' le ba'ax cu yu'ubic in wa'alico'. Le chíicbesajo'obo' jach jadzutztaco'ob, u ti'al túun ma' u beetico'ob u ca'analtal in wiche' dzaab ti' teen jun p'éel mukyaj bey je'el bix jun p'éel ki'ix ch'iiquil tin wíinclile', j taal bey jun p'éel u nu'ucul Satanás u ti'al u loobiltiquen.