Popular Bible Verses from 1 Juan 3

Share

In mejen paalale'ex ma' c yaacunaj chéen yéetel le ba'ax c a'alic yéetel c chi'o; ba'ale' unaj c yaacunaj yéetel jaaj bey xan yéetel ba'ax c beetic.

C kaj óol ba'ax le yaacunajo' iquil tu dzajil u cuxtal Jesucristo t o'olal; bey xan túuno' to'one' unaj c dzáic c cuxtal tu yo'olal le sucu'uno'obo'.

Ile'ex buca'aj u yaabiltmajilo'on Ku le Taatao', iquil cu páajtal u ya'ala'al to'one' u paalalo'on Ku tumen leti'on. Le o'olale' le máaxo'ob yóokolcaabilo'obo' ma' u kaj óolo'oni', tumen ma' tu kaj óolto'ob Kui'.

Ba'ale' le máax cu xíimbal ti' le kebano' u ti'al kasiba'al, tumen kasiba'ale' j kebanchaj tu yáax chuun. U Paal Kue' j taal u ti'al u mixba'alcunt le ba'ax u beetmaj kasiba'alo'.

Tuláacal máax sija'an ti' Kue' ma' tu xíimbal ti' le kebano', tumen ti' leti'e' yaan le cuxtal cu dzáic Kuo'; yéetel ma' tu páajtal u xíimbal ti' le kebano' tumen sija'an ti' Ku.

Tumen wa yaan jun túul máac yaan lu'umcabil ayikalil ti', cu dzo'ocole' cu yilic u yóotzilil u sucu'une' ba'ale' ma' tu ch'a'ic óotzilil ti'e' ¿bix je'el u ya'alic wa yaan u yaacunaj Ku tu pucsi'ikale'?

Le máax cu u'uyaj t'antic u ya'almaj t'aano'obe' cuxa'an ti' ku yéetel Kue' cuxa'an ti' leti'. C ojel leti'e' cuxa'an ti' to'one' tu yo'olal le Quili'ich Pixan u dzaamaj to'ono'.

Ojéela'an máaxo'ob u paalalo'ob Ku yéetel máaxo'ob u paalalo'ob kasiba'al, tumen je'el máaxac ma' táan u beetic ba'ax toje', mix táan u yaabiltic u sucu'une', ma' u ti'al Kui'.

Tumen le ca'ansaj dzo'oc a wu'uyique'ex cáajic tu yáax chuuno' leti' lela': ca c yaabiltbáa t baatzil.

In sucu'une'ex, ma' a wilique'ex jela'anil wa ca p'ecta'ale'ex tumen le yóokolcaabilo'obo'.