Popular Bible Verses from VA ROMA 12

Share

Kuenje ko ka lisetahaisi loluali lulo, puãi kuati ovitima viokaliye okuti ovimuenyo vi pongoluiwa, kuenje vu limbuka ndeci ci kasi ocipango ca Suku, okuti ciwa, ca sunguluka, ca pua eko.

A vamanji, ndu pingi lohenda ya Suku okuti weci atimba ene ndocilumba ci kasi lomuenyo, haico ci kola, kuenje ci sanjuisa Suku. Oco efendelo liene liocili.

Osimbu vu lavoka sanjuki. Pandikisi vohali. Tuwi oku likutilila.

Ku ka yuliwe leci cĩvi, puãi eci cĩvi ci yula leci ciwa.

Lisoli pokati ndomunu la manjaye. Koku sumbila, velisipo vakuẽle.

Ocisola ci kale cocili. Nyehuli eci cĩvi. Kakateli eci ciwa.

Ndeci ca soka locikele cene, kali lombembua lomanu vosi nda ci tẽliwa.

Akuetu wa soliwi, ko ka lifetuluinyi. Efetuluinyo li kale konyeño ya Suku, momo ca sonehiwa citi, Efetuluinyo, liange. Ame fetuluinya. Oco ca popia Ñala.

Kombili ko ka lendi. Kuati owuya we Espiritu. Vumbi Ñala.

Momo, locali ca nyihiwa, ndu lunguli omunu omunu, siti, Ko ka lisokololi ene muẽle loku lituna ka kua sungulukile, puãi omunu omunu a likũlĩhise lolondunge vi tunda kekolelo Suku a wiha.

Ko ka fetuluinyi umue cĩvi leci cĩvi. Sandi ovina viwa kovaso omanu vosi.

Lisimili cimuamue. Ko ka simi ovina viunene, puãi loñi koku vumba. Ko ka lipandi.

Puãi nda unyali wove o kasi lonjala, u lisa, nda o kasi lenyona, u nyuisa, momo oku linga ndoco o lundika akãla ondalu ponumbutue yaye.

Likutilili ava vo siliñinya, ko ka va siñali, te oku va likutilila. Yoleli lava va yolela, lili lava va lila.

Lumbi vombango yoku kuatisa olosandu. Poki akombe.

Momo, ndeci tu kasi lovimatamata via lua vetimba limuamue, lovimatamata viaco ka vi kuete upange umuamue, haico, ndaño tu va lua, haimo tutimba limuamue vu Kristu, kuenje tuvimatamata vi likuatisa pokati.