Popular Bible Verses from VA ROMA 1

Share

Momo si kuete osõi yondaka yiwa. Ondaka yaco oyo unene wa Suku u popela vosi va kuete ekolelo, tete va Yudea, noke va Helasi.

Momo, vondaka yaco, omo mua situlukila esunga lia Suku, kuenje, tunde kefetikilo toke kefulilo te lekolelo, ndeci ca sonehiwa okuti, Ukuesunga o muila omuenyo kekolelo.

Tunde kokululikiwa kuoluali, unu waye, una ko muiwa muiwa lovaso, okuti unene waye ko pui, kuenda okukola kuaye, u molehela ciwa vovina a lulika. Oco ka va tẽla vali oku tatãla.

Momo, ndaño va kũlĩha Suku haimo ka vo kemainyaile nda Suku, pamue oku u pandula, puãi va lipanda ño lovisimilo viavo, kuenje ovitima viavo viuveke via vuvala.

Momo elomboluilo liocili liomo Suku a kasi va li pongolola uhembi, kuenje va fendela loku vumba ocilulikilo, okuti u wa ci lulika hayeko, una okuti o sivayiwa oloneke ka vi pui. Amene.

Momo onyeño ya Suku yi situluiwa tunde kilu, kuenje yi veta etombo liosi, lakandu osi omanu vana va tateka ocili ca Suku lakandu avo.

Oco Suku wa va eca koloñeyi vi kutisa osõi. Momo akãi vavo va pongolola ovituwa via sunguluka ha va lingi evi ka via sungulukile. Lovalume le va liweka oku kala lakãi ndeci Suku a panga, kuenje va likuatela pokati oloñeyi vĩvi. Alume va linga akutisasõi lalume, kuenje va limuisa onima ya sesamela okulueya kuavo. Kuenje, omo ka va tavele oku kũlĩha Suku, oco Suku wa va eca kutima wuveke, kuenda koku linga umbondo.

Osimbu va linga vati, Tuakualondunge, va linga aveke. Ulamba wa Suku ka fa fa vo pongolola ociñumañuma cesetahãlo liomunu o fa fa, leli liolonjila, leli liovinyama viovolu akuãla, kuenda eli liapuka.