Popular Bible Verses from EFETIKILO 32

Share

Ulume hati, Onduko yove ka yi tukuiwa vali Yakoba, te Isareli momo wa liyaka la Suku lomanu kuenje wa yula.

Ulume hati, Ngece, ndopo ku ca. Yakoba hati, Siu ku eci te nda o sumũluisa.

Eye Yakoba wa siala lika waye, kuenje ulume wa litila laye toke kua ca omẽle.

Oco Yakoba a lukila onduko yusenge waco Penuele, ndokuti, Suku ndo mõla liso liange muẽle, haimo omuenyo wange wa popeliwa.

Wa limbuka okuti ka tẽla oku u yula kuenje wo lamba kesokoluilo liocikalo caye, kuenje esokoluilo liocikalo ca Yakoba lia fomõha poku litĩla laye.

Ulume wo pula hati, Onduko yove, ove elie? Eye hati, Ame Yakoba.

Oco Yakoba wo puĩa hati, Sapuila onduko yove. Eye hati, Nye wa mulila onduko yange? Kuenje wo sumũluisilapo.

Sia sesamẽlele ndaño naito ocisola cove ka ci pongoloka. Sia sesamẽlele muẽle esunga wa ndingila, ame ndukuenje wove. Olui lulo Yordão, nda lu yoka lombueti yange. Cilo nda linga olohoka vivali.

Oco toke etali lilo va Israeli ka va lialia esipa li kasi kesokoluilo liocikalo, momo omunga ya lambele kesipa liesokoluilo liocikalo ca Yakoba.

Yakoba yu wa likutilila hati, A Suku ya sekulu yange Avirahama haive Suku ya tate Isake, a Yehova, ove wa mañinya huti, Tiukila kofeka yene lo kusitue wove kuenje hu sumũluisa.

Mopele peka lia huvange Esau, momo ndu kuetele usumba, sanga iya o njipaya, lame la vainaco lotumãla.