Popular Bible Verses from EFETIKILO 25

Share

Yehova wa popia laye hati, Olofeka vivali vi li vimo liove. Apata avali o cita a litepa. Epata likuavo li pama ca lua, likuavo li sule. Ukulu wendamba o vumba umãlehe.

Esau wa popia la Yakoba hati, Nyiheko kamue okambelela aka ka kusuka, momo nda lambuka. Oco vo lukila Edome.

Isake wa likutililila ku Yehova ukãi waye, omo wa kala osiũle. Yehova wa tava kohutililo yaye kuenje ukãi waye Rebeka we mina.

Kuenje Esau wa kumbulula hati, Ota, nda lunga lokufa, unuñulu waco hẽ, u sumũluisa ndati? Yakoba wa linga hati, Likuminya lame tete. Yu wa likuminya laye kuenje wa landisa unuñulu waye ku Yakoba.

Noke manjaye wa tunda, kuenje eka liaye lia kuatelela kocisendemãi ce Esau; oco vo luka Yakoba. Isake wa kala lakui epandu kanyamo eci Rebeka a va cita.

Isake wa sola Esau momo wa lialia olositu viaye. Rebeka wa sola Yakoba.