Popular Bible Verses from II VA KORINDO 5

Share

Oco, nda umue o kasi vu Kristu, wa linga ociluvo cokaliye. Cosi cale ca pita, kuenje cosi ca linga cokaliye.

Una ka kũlĩhile ekandu Suku wo linga ekandu mekonda lietu, okuti vokuaye tu lingiwa esunga lia Suku.

Momo tu enda enda lekolelo, ha loku kolelako ovaso.

Cosi eci ci tunda ku Suku u wa tu inalisa kokuaye la Mitakati Yesu Kristu, kuenje wa tu kundika upange woku inalisa. Ca lomboloka okuti, vu Kristu, Suku wa kala loku inalisa oluali kokuaye, okuti ka tendele vali akandu omanu oku va pisa lao, kuenje wa tu kundika upange woku inalisa.

Oco tua linga olomunga via Kristu, okuti elaleko lia Suku li pitiyiwa letu. Vonduko ya Kristu tu vu peya tuti, Linali la Suku.

Kuenje eye wa fila vosi okuti, ava va kasi lomuenyo ka va kasilili lawo ovo muẽle, te oku vumba u wa va fila haeye wa va pinduiwila. Kaliye, ka tu limbuka vali omunu ukuetimba ndeci a limbukiwa ño voluali lulo. Ndaño tua limbukile Kristu ndomunu ukuetimba voluali lulo, haimo, tunde opo, ka tu u sokoluila vali ndoco.

Momo ocisola ca Kristu oco ci tu vetiya, omo tua kolela okuti umuamue wa fila vosi; oco vosi va fa.