Popular Bible Verses from I VA KORINDO 15

Share

Oco, a vamanjange wa soliwi, lingi vakuepandi, haivo va tuamela. Olonjanja viosi lingi vakuambili yupange wa Ñala, omo wa kũlĩhi okuti vu kasi vu Ñala oco upange wene ko lingi wolivova.

Pandu pandu ku Suku u o tu muisa oku yula la Mitakati Yesu Kristu, Ñala yetu.

Ko ka kembiwi. Akamba vãvi va nyõla ovituwa viwa.

Puãi, locali ca Suku, ñasi ndeci ñasi. Ocali caye kokuange ka ca ndingililile esanda. Koku talavaya nda piãla vosi. Ame hameko puãi, te ocali ca Suku ci kasi lame.

A Kufa, okuyula kuove ku kasi pi? A Kufa, olumõla luove lu kasi pi? Olumõla luokufa ekandu. Ongusu yekandu ovihandeleko.

Tali, ndu sapuili elumbu. Ka tu pekela vosi, puãi vosi tu pongoluiwa ocisalukila, ndokupakula kuiso, pokusika kuolumbeta lua sulako. Momo olumbeta lu popia, kuenje ava va fa va pinduiwa, ka va futi vali kuenje etu tu pongoluiwa.

Momo, ndeci okufa kueya mekonda liomunu, haico mekonda liomunu kueyavo epinduko liava va fa. Momo, ndeci vosi va fila ku Adama, haico vosi va muila omuenyo vu Kristu.

Momo etimba eli li futa li wala eli ka li futi, leli U fa li wala eli ka li fi.

Momo Kristu o viala toke a kapa ovanyali vaye vosi vemẽhi liolomãi viaye. Unyali o sulako oku imuha Kufa.