Popular Bible Verses from Romo 8

Share

Shu mbeyaka shati: Unyashungu atukambaka ololo kame la wane watuwukaka ngandji, wane wakandeti uku esangweyu kandi.

Dimi lambetawo nti: Aha nyoi, kuyanga lumu, kuyanga andjelo, kuyanga waulelu, kuyanga akambu wa kakiane, kuyanga akambu wayayi, kuyanga wulu, kuyanga utali, kuyanga ohongo, kuyanga engo kekina kakatungama kayeya ntanganya uma lu ngandji ka Unyashungu keli le Kristu Jesu Khumesu.

Osoku mbatutukimanyiaka Nyuma lu weodu asu, ne dia shu hatuteyaka kene kukukisu nomba lu alombelo asu. Keli Nyuma ndame atutoteketelaka la emumu waheyama mvuta.

Kayututa lu akambu ane? Naka Unyashungu eko la su wedi ayeya ntahamela na?

Kakiane nduku dianyelu dieko le wane weli le Kristu Jesu

ne dia tukanyi ta dimba teli nyoi, keli tukanyi ta Nyuma teli lumu la ki.

Kema, lu akambu aso tshe, kesu andeki wʼutamanya ne dia one lakatulangi.

Dimi lambukana nti: Asui wa lʼetena kene hawedima la lutumbu layenama le su lʼokongo diku.

Akona ayeya ntanganya uma lu ngandji ka Kristu na? Undi, fono, shoko, asui, ndjala, utakataka, akambu wa lʼasa eku la nyoi, kana yombo ya ta?

One latushishimaka etema mbeyaka tukanyi ta Nyuma ne dia Nyuma atonteketelaka Ekilami uku lulangu la Unyashungu.

Ne dia wane tshe watolombwamaka le Nyuma ka Unyashungu mbeli ana wa Unyashungu.

Waku watuyelaka akambu wa dimba, watukanaka akambu wa dimba. Keli waku watuyelaka Nyuma, watukanaka akambu wa Nyuma

One laki kumpandja Onʼandi hita, keli akukimo dikambu diasu, ukundi ahandutusha ndu diango tshe kame la ndi?

Nyuma ambuyaete omenyi kame la nyuma yasu ati: Ana wa Unyashungu mbesu. Naka shu tambuyala ana, keti ndu ekito mbesu. Shu teko ekito wa Unyashungu, ndu ekito kame la Kristu; naka shu tatusuwaka kame la ndi, keti tayutumbwama kame la ndi.

Tukanyi ta dimba teli utunyi wa Unyashungu, ne dia to hatetawo ndjala la tshina diʼelembe wa Unyashungu. Ndu to hateyi ntsha osoku.

Ne dia ditungatunga tshe diatulungamelaka la pusa ka wulu dia mena enelo kʼana wa Unyashungu.

Shu mbeyaka shati: Ditungatunga tshe diatukhumaka akhumu, ndu diatutataka nyono lu diutelu edja ndu kakiane.