Popular Bible Verses from Romo 14

Share

ne dia diulelu dia Unyashungu diaha lu dikambu dia nde la dia no. Keli dio dieko lu akambu wʼololo, la ki la ongenongeno le Nyuma kʼOlolo. One latukambelaka Kristu ulimu wuhu oso, atongenyangenyaka Unyashungu, ndu atolemiamaka le antu.

Naka shu teko la lumu, keti shu teko la lumu le Khumadiondjo. Naka shu tambuvo, keti shu tambuvo le Khumadiondjo. Okone kana teko la lumu, kana tambuvo, shu teko wa Khumadiondjo.

Naka osoku, tuyeli akambu watutungaka ki, ndu akambu weyasu mbudianya la wo.

Okone tatulumbwanyaki ntu, keli nyusanguya nyu tshe, diaha untu nkitshiya onangu dive dia mbutakanya kana djewoki ya mbumba.

Ne dia akafundama ati: Khumadiondjo kata ati: Uku wemi la lumu! Adui tshe wayunkhusamela; Nimi tshe yayandula Unyashungu. Okone shu tshe, untu lʼuntu, tayuyateketela le Unyashungu.

Nyulunguli one leli wodu lu mbetawo, tanyamanyaki lu tukanyi.

We na, lalumbuya ukambi wʼuntu ukina? Kuyanga ndi kemadi, kuyanga ndi kokwe, oso eli dikambu dia uwandji andi. Mete ndi ayemala, ne dia Khumadiondjo la wulu wa mbemadia.