Popular Bible Verses from Romo 12

Share

Tanyuyafanyaki la akambu wa la kete nye. Keli nyuhilwami lu yimba yʼuyuyu, kanyeyi okone weli lulangu la Unyashungu, lʼololo latongenyangenyaka, ndu lʼuluwanyi.

Anyasu, dimi lambunyosengasenga uma lʼakambu wa ketshi wa Unyashungu nti: Nyulambuli alimba anyu uku ulambu wa lumu, la wʼekila, la wa ngenyangenya Unyashungu. Wuhu oso mbukukinyu ntsha.

Nyongenangenaki lu elungamelu; nyuyali la memakana lu asui; nyutetemalaki nomba.

Tolembiamaki lʼakambu wa kolo, keli olembia akambu wa kolo lʼakambu wʼololo.

Nyukani ngandji uku untu lʼonangu; nyolemianya.

Ngandji kayali la mete. Nyutuni kene keli kolo, nyukimeli kene keli ololo wulu.

Lu wedi anyu, nyutshaki akambu tshe weyanyu ntsha, dia mbidjase la antu tshe ki.

Anyasu wa ngandji, tanyuyasombweyaki; nyutshikeli kele ka Unyashungu dihuli. Ne dia wakafundi vati: Somboya keli dikambu diami. Dimi layulemanya la wo, mbata Khumadiondjo.

Tanyukitakitaki lu saki yanyu pundju, nyohetaki ngaingai la Nyuma; nyukambelaki Khumadiondjo ulimu.

Uma lu ngandji ka mamba kakawamboya, dimi lambunyutela nyu tshe nti: Untu tatamanyaki ndjakanela, keli aludiami la tukanyi ta ndjakitshakitsha uku yediko ya mbetawo yakakahanya Unyashungu le untu lʼuntu.

Tanyukaluyaki untu kolo lu kolo, keli nyudjaki tukanyi lu akambu weli nemo lu ashu wʼantu tshe.

Nyuyali lʼutema otoi. Tanyudjaki tukanyi tanyu lu akambu wa ndjambiya. Tanyuyambiyaki keli nyekesaneli la wane wukitshikitshi. Tanyuyalaki la utaku.

Keli, naka utunyi aye eko la ndjala, uwusha mbu ya nde; naka ndi la pusa, uwusha dia no. Lamʼayuyutsha osoku, keti we ambuwahatanyia akalanga wa dja waheta lʼote.

Nyotshokole wane watunyusuyaka. Nyatshokole, tanyuwadjaki mananu. Nyongenengene la wane wangenangena; nyuleli la wane walela.

Nyukanelaki ekilami lu ehumba awo; nyulungulaki angendangenda ololo.

Uku wesu la beke efula lu dimba diame, la beke diako kema la ulimu otoi, osoku mbesu shu antu efula, mbambutuyala dimba otoi le Kristu. La shu tshe, untu lʼuntu eko etenyi ka dimba diako.