Popular Bible Verses from Romo 1

Share

Dimi haluki lukumu lʼololo sonyi, ne dia lo mbeli wulu wa Unyashungu utsha lu panda le untu tshe letawo, ntundu le usi Juda, ku le usi Ngirika.

Ne dia lu lukumu lako mbatenamaka ololo a Unyashungu uma lu mbetawo la mbetawo. Uku akafundama ati: Untu ololo ayuyala la lumu uma lu mbetawo kandi.

Akambu wa Unyashungu ndu wulu andi wa pundju la efanelu kandi la Unyashungu waki komenamaka umaka etungelu kʼandja wambenama hwe kakiane. Antu wambumana akambu ako fundu uma lu diango diakandatungi wuhu wahawakuki ndjayindja

ne dia vo wakeyi Unyashungu, keli vo kumbutumbula uku Unyashungu, kumbuka lusaka. Vo wakanganela lu tukanyi tawo. Etema awo wa dinginya wakayala tshududu.

ne dia vo wakingula mete ka Unyashungu la kashi, ndu wakatemoloka la wakakambelaka utungami lu dihuli dia Utungi latutumbwamaka pundju. Ayali osoku!

Kele ka Unyashungu kambenama uma lʼulungu uya lʼuhedia tshe la kolo yʼantu watushimbaka akambu wa mete la kolo yawo.

Dia dikambu diako mbakakimo Unyashungu lu songu ya sonyi, ne dia wadiewo wakakadimula etshelu ka mbeyana la waumewo wakeyana la anyawo amantu. Ndu apami wakakimo etshelu ka mbeyana la wadiewo wakaluli la saki ka mbeyanaka lʼanyawo: pami la pami watsha akambu wahakuki ntsha. Vo wambulungula difutu diedimi la kolo kakawatshi. Uku akawaseke nimbitela Unyashungu, mbakandakimo lu yimba yʼufutanu dia vo ntsha akambu wahasungana.

Vo wakayasemaka vati: Akanga a yimba mbesu, keli wakayala dinginya. Vo wakingula lutumbu la Unyashungu lahalana la efanelu kʼuntu layuvo, ndu ka fudu, ndu ka nyama ya sanga nyei, ndu ka diango diayakutula.