Popular Bible Verses from Mako 9

Share

Jesu akûkaluya diui ati: Naka we mbeyaka ntsha, akambu tshe mbeyaka ntshama le untu letawo.

Kemʼedja shi akahangohango ati: Dimi lambetawo! Unkimanyia nshidiya yamu yami!

Lamʼakandoto lu luudu, ambeki andi wakawumbula lu sheki vati: Ukundi akisu kumbeya mbutundja? Ndi akâkaluya diui ati: Wuhu one mbeyaka ntumba tshikima la dombelo.

Leho leko ololo, keli naka leho lambusuwo, la na la ayunyulete mpe ntu? Nyuyali la leho lʼetema anyu, ndu nyuyali ki untu la unyandi.

Untu tshe lalungula kiendakenda motshi uku one lu lukumbu lami, ndi ambunungula dime. Untu tshe lanungula, hanungula dime, keli ambulungula one lakantumi.

Mete kanyutelami nti: Untu tshe lanyusha dikoho diʼashi a no, ne dia nyu nyeko wa Kristu, ndi hushisha difutu diandi.

Keli untu tshe latakanya kiendakenda motshi yambumbetawo, ndeka ololo vo mbukeleka dive dia wuki diʼohelo lu kingu, ku mbutambiya lu uduwa.

Naka su diaye diambukutakanya, udikhunduli. Ndeka ololo we mboto lu diulelu dia Unyashungu la su otoi, uleki mbikadjema la ashu ahendi lu luwinga la dja