Popular Bible Verses from Luka 3

Share

Lamʼakabatizama antu tshe, kakabatizama ndu Jesu. Lamʼakandalombaka, ulungu akadiho. Ku Nyuma kʼOlolo akuhulwela lʼutundu uku fudu ka inga. Diui diakayi uma lʼulungu ati: Onʼami la ngandji keye! We ambongenyangenya.

Joani akûkaluya diui vo tshe ati: Mete, dimi lambunyubatiza la ashi, keli one layayi ambundeka wulu. Dimi kema ololo wukukimi nkelekula okodi a sabata yandi. Ndi ayunyubatiza la Nyuma kʼOlolo la dja.

Okone nyoto elua uku ekadimwelu kʼetema anyu; tanyutatelaki mvuta nyati: Shu la tshesu Abarahama. Dimi lambunyutela nti: Unyashungu mbeyaka mbulwela Abarahama tukanula tandi uma lu ave ane.

Kakiane kenge yambetama la tshina dia etamba. Ku utamba tshe wahato elua wʼololo, ayokotama, ayukadjema lu dja.

uku ufundami lu buku diʼaui wa umvutshi Isaya ati: Diui dia untu lahangohango lʼusui ati: Nyolongosole mbuka ka Khumadiondjo; Nyusimbuli esese andi. Ekidi tshe wayutediama; Akuna tshe la ekungu tshe wayukitshakitshama; Diango dia wengenge diayuyala esimboki; Ndu nbuka ya tufukutufuku yayukitanela; Ku antu tshe wayena panda ka Unyashungu.