Popular Bible Verses from Ezekiyele 33

Share

Uwateli wati: Khumadiondjo Latuyalaka kata ati: Uku wemi la lumu! Dimi hangenangena nyoi kʼuntu a kolo! Dimi nangaka ndi nkalula uma lu kolo kandi, la ndi ndjaja la lumu. Nyukaluli, nyukaluli uma lu mbuka yanyu ya kolo. Khumbu ka Isariyele, ukundi alanganyu mvo?

We onʼa untu, dimi lakakutshiki ulami le khumbu ka Isariyele. Dieli la ye dia mpukama aui wʼuma lʼunyo ami, la mbewula wa lu leke lami.

Keli naka we ayewula untu a kolo dia mbukaluya uma lu mbuka kandi, ku ndi hakalula, ndi ayuvo lu kolo kandi. Ku we ayushimbela lumu laye.

Keli naka ulami ayena yombo yayayi, ku ndi hadi dimama; naka wudja kumbewoma, ku yombo yambudiaka untu omotshi lʼatei awo, untu ako ayuvo ne dia kolo kʼulami. Ku dimi layolomba dikila diandi uma lu lunya la ulami.

Ndi akuki lundju la dimama, keli ndi kumbewo, dikila diandi diayuyala lʼote andi. Utunduyala ndi akewo, ndi utuhandja lumu landi.