Popular Bible Verses from Etumbelu 5

Share

Lʼokongo diku, Mose la Arona wakatshu le Farayo, wakatuwutela vati: Latuyalaka, Unyashungu wa Isariyele, kata ati: Ukimo wudja ami watshu, keli watuyali la lushi la wuki lʼusui wa shenga dikambu diami.

Uma lamʼakamatshu le Farayo dia nteketa la ndi lu lukumbu laye, ndi ambutshela wudja one kolo, keli we kuntshungula wudja aye nduku yema.

Mose akakalula le Latuyalaka, akati ati: Khumemi li, ukundi ambuyutshela wudja one kolo okone? Dikambu kuna diakayatumi?

Ku Farayo akawambula ati: Akona eli Latuyalaka, ukukimi nkitanyia diui diandi la nkimo asi Isariyele dia vo ntsho? Dimi haleyi Latuyalaka, dikambu dikina, halukimo asi Isariyele dia vo ntsho.

Keli nyutetemali mbalomba efula kʼatafadi uku akawabulaka nshi ya ntundu, tanyukitshakitshaki nduku yema, ne dia vo mbidjaseka udjasedjase. Diako mbalelawo vati: Tutshu, tutulambuli Unyashungu asu elambu. Nyahanyiya apami ane elimu dia vo nkambaka, watukudja tukanyi tawo lu aui wa kashi aso.