Popular Bible Verses from Romanos 10

Share

Señornintsik Jesucristo mandashuqniki kanqanta nirqa y wañunqanpita Dios Yaya kawatsimunqanta llapan shonquykikunawan creyirqa salvashqam kayanki.

Llapan shonquykiwan creyiyaptikiqa Dios Yayam perdonayäshunki. <<Señor Jesucristuqa mandamaqnïmi>> niyaptikim Dios Yaya salvayäshunki.

Imanö kaptinpis Jesucristupa alli willakuyninta wiyarraqmi payman pipis confiakun.

Dios Yayapa palabranmi nin: <<Pipis payman creyikuq kaqqa manam manakaqllapaqtsu creyikunqa>>. Tsaymi Israel runa y mana Israel runa creyikuptinpis Dios Yaya perdonan. Llapantsikpapis japallan Diosnintsik karmi mañakuq kaqtaqa pïmaytapis salvan. Dios Yayam palabranchö nin: <<Noqaman mañakamuq kaqtam pïmaytapis salvashaq>>.

¿Imanöraq willakuyanqa willakunanpaq pipis mana kachaptinqa? Dios Yayapa palabranmi nin: <<Alli willakuyta apamuqkunam alläpa kushikuypaq kaykäyan>>.

¿Imanöraq salvananpaq mañakuyanqa Jesucristo salvamaqnintsik kanqanta manaraq creyirqa? ¿Imanöraq creyiyanqa willakuyninta manaraq wiyarqa? ¿Imanöraq wiyayanqa pipis mana willaykuptinqa?

Jesucristo shamushqana kaptinmi Diospa leyninkunata cumplirtsu perdonashqa kaykantsik, sinöqa Jesucristuman creyikurmi. Payman creyikuq kaqkunatam llapanta Dios Yaya perdonan.