Popular Bible Verses from Proverbios 16

Share

Llapan imayka ruraynikipaq DIOS YAYATA mañakuy. Mañakuptikiqa llapan yarpanqaykim cumplinqa.

Runa imanö kawananpaq yarpaptinpis DIOS YAYARAQMI permïtin.

Pipis alli kaqkunallata parlanqanmi abëjapa mishkinnö. Tsaynö parlarmi pïmaytapis animatsir kushikatsin.

Runaqa imatapis rurananpaqmi yarpan. Peru DIOS YAYARAQMI imata rurananpaqpis permïtin.

Mas allim kanman allish chölu kanqanpa rantin pacienciakuq kanqan. Tsaynöllam mas alli kanman juk markata dominanqanpa rantin kikinpa geniunta dominaptin.

Allish tukuqkunatam desgracia päsanqa. Orgullösukunam mana alliman shikwayanqa.

Runaqa imayka ruranqanpis alli kanqantam yarpan. Peru DIOS YAYAM alli o mana alli yarpaynin kanqantapis musyan.

Yachatsikuyta cäsurqa allim kawakunqa. DIOS YAYAMAN confiakurqa kushishqam kawakunqa.

Mas allim kanman suwakur rïcuyanqanpa rantin arukur ichikllatapis gänanqan.

Wakin kaq runakunam mana allikunata rurarpis allita ruraykäyanqanta yarpäyan. Peru tsaynö kawaykarmi wañur ushakäyanqa.

Mana alli ruraq runam pïmaytapis piñanakatsir purin. Cuentustërukunam tranquïlu kawakuqkunata chikinakatsin.