Popular Bible Verses from Proverbios 11

Share

Runa majinta imallawanpis yanapaqkunam bendicionta chaskiyan. Imallachöpis yanapakuqkunam yanapashqa kayanqa.

Runa majinta imallawanpis yanapaqkunam mas tariyan. Peru mana yanapakuqkunapam sïqa imaykanpis sas ushakan.

Allish tukuq runaqa mana alli rikashqam kaykan. Peru qollmi shonqu runam sïqa alli tantiyakun.

Juk nacionchö mandakuq mana alli mandakuptinmi alläpa sufriyan. Atskaq yätsikuqkuna kayaptinmi mandakuqpis alli mandakun.

Alli ruraq runaqa alli wayuq plantanömi kaykan. Paymi pïmaywanpis kuyanakun.

Shimisapa runaqa ima wiyanqantapis willakurmi purin. Peru confiakuypaq runam sïqa ima wiyanqantapis upällakun.

Llakipäkuq runam kikinpis kushishqa kawakun. Peru mana llakipäkuq runam sïqa llakishqa kawan.

Rïcu kayninman confiakuq runaqa jachapa rapran tsakiqnömi ushakanqa. Peru alli ruraq runam sïqa jacha tseqllimuqnö alli kawakunqa.

Dios Yaya juzganan junaqmi rïcu kanqanpis välinqatsu. Peru allikunata ruraq runam sïqa salvakanqa.

Alli ruraq runaqa Diosta cäsurmi kawakun. Peru mana alli ruraq runam sïqa jutsa ruranqanpita ushakan.

Mana tantiyakuq warmim kuyakuypaq karpis kuchipa senqanman qori sortïja churashqanömi kaykan.

Pësun faltaqta rantikuptinmi DIOS YAYA rabyakun. Peru pësu complëtuta rantikuptinmi sïqa kushikun.