Popular Bible Verses from Mateo 24

Share

Maytsaychöpis jutsata rurar kawarmi kuyanakuyanqatsu. Peru wañuyanqanyaq creyikuqkunaqa salvashqam kayanqa.

Dios Yayapa mandakuyninpa alli willakuyninta maytsay nacionkunachö willakuyaptinraqmi kay patsa ushakanqa.

Guërra kaptin y guërra kananpaq kanqanta musyarpis ama mantsakäyaytsu. Puntataqa tsaykunaraqmi kanqa. Tsaynö kaptinpis kay patsaqa manaraqmi ushakanqaraqtsu.

Juk nacionmi jukaq nacionwan guërrata rurayanqa y juk marka runakunam jukaq marka runakunawan wañutsinakuyanqa. Tsaynöllam [pestipis,] muchuypis, patsa kuyuypis maytsaychö kanqa. Tsay ñakaykunaqa qallaykunanllaraqmi kanqa.

Ciëluwan kay patsa ushakaptinpis noqa ninqäkunaqa manam ushakanqatsu.

Atskaqmi shutïchö shamur niyanqa: <Noqam Cristo kä>. Tsaynö nirmi atskaqta engañayanqa.

<<Tsay witsaymi ñakatsiyäshurniki wañutsiyäshunki. Noqa raykum pïmaypis chikiyäshunki. Tsaynö ñakarmi creyikuyanqanta atskaq dëjayanqa. Paykunam firmi creyikuqkunata chikir autoridäkunaman jukninta juknintapis apatsiyanqa. Llulla profëtakunam atskaq yurimur mana allikunata yachatsikur atskaq runakunata engañayanqa.

Jesúsnam nirqan: <<Cuidädutaq pipis engañayäshunkiman.

Tsaynölla qamkunapis alistakushqallana kayay. Mana musyayanqayki höram illaqpita Runapa Tsurin shamunqa.

Tsaymi alistakushqallana kayänayki. Manam musyayankitsu imay junaq Señorniki kutimunanpaq kanqantapis.

<<Runapa Tsurin imay junaq imay höra kutimunanpaq kanqanta manam runapis ni angelpis [ni Diospa Tsurinpis] musyayantsu. Tsaytaqa Taytällam musyan.

Tsay witsaymi Cristo tukuqkuna y llulla profëtakuna yuriyämunqa. Runakunata creyitsiyänan raykum mantsakaypaq milagrukunatapis rurayanqa. Tsaynö rurarmi Dios Yaya akranqan runakunatapis engañayta munayanqa.

<<Noé kawanqan witsay runakuna kawayanqannömi Runapa Tsurin shamunqan witsaypis kawayanqa. Diluviu manaraq kaptinmi arcaman Noé yaykunqan junaqyaq runakuna mikur, upyar y casarar kayarqan. Tsaynö kaykäyaptinmi diluviu illaqpita shamuptin llapan shinqar wañuyarqan. Tsaynöllam mana musyayanqan höra Runapa Tsurinpis illaqpita shamunqa.