Popular Bible Verses from Mateo 19

Share

Paykunata rikaykurmi Jesús nirqan: <<Runakuna salvakänanpaqqa alläpa ajam. Peru Dios Yayapaqmi sïqa imapis ajatsu>>.

Tsaynö nikaptinqa mananam ishkaqnatsu kayan, sinöqa jukllayllanönam. Tsaymi Dios Yaya juntanqantaqa ni pipis rakinmantsu>>.

Jesúsnam nirqan: <<¿Manaku liyiyashkanki Dios Yayapa palabranta? Tsaychömi nin ollqutapis warmitapis Dios Yaya kamanqanta. Tsaynö kamaskirmi Dios Yaya nirqan: <Mamanpita y taytanpitam ollqu yarqun warminwan mana rakikar täkunanpaq. Tsaynö täkurmi ishkanpis jukllayllanö kayanqa>.

Jesúsnam discïpulunkunata nirqan: <<Wamrakunata apayämunanta ama amatsayaytsu. Wamranö kaqkunapaqmi Dios Yayapa mandakuyninqa>>.

Atskaqmi respitashqa kaykaqkuna manakaqman churashqa kayanqa. Manakaqman churashqa kaqkunanam respitashqa kayanqa>>.

<<Pipis noqa rayku wajinta, wawqinkunata, paninkunata, mamanta, taytanta, [warminta,] tsurinkunata y chakrankunatapis jaqiq kaqqa pachak (100) kuti mastam chaskinqa. Wañurpis mana ushakaq kawaytam tarinqa.

Jesúsnam nirqan: <<Dios Yaya munanqannö kawayta munarqa llapan imaykaykikunata rantikuskir tsay qellayta waktsakunata qaray. Tsaynö ruraptikiqa ciëluchömi riquëzayki kanqa. Tsaypita qatimay>>.

Jesúsnam nirqan: <<¿Imanirtan alli ruraypaq tapumanki? Jukllayllam alli ruraqqa. Mana ushakaq kawayta tariyta munarqa paypa mandamientunkunata cäsuy>>.

Yapaymi niyaq: Rïcu runa Dios Yayapa mandakuyninman yaykunqanpitaqa mas fäcilmi camëllupis awjapa uchkunpa päsanman>>.

Tsaymi niyaq: Mayqan runapis warmin jukwan mana kaykaptin juk warmiwan täkurqa adulteriu jutsatam ruraykan. [Tsaynöllam ollqunpita rakikashqa warmiwan täkuq runapis adulteriu jutsata ruraykan]>>.

Tsaypitanam discïpulunkunata Jesús nirqan: <<Rasun kaqtam niyaq: ¡Alläpa ajam rïcu runakuna Dios Yayapa mandakuyninman yaykuyänanpaq!