Popular Bible Verses from Mateo 16

Share

Tsaypitanam discïpulunkunata Jesús nirqan: <<Pipis discïpulü kayta munarqa kikin munanqannö ama kawatsuntsu, sinöqa cruzninta apaqnö noqata qatimätsun.

Qamtam niq Pedro kanqaykita. Kay rumi jananchömi iglesiäta shäritsishaq. Tsay iglesiataqa Satanáspis manam vencinqatsu.

Qamtam entregashayki Dios Yayapa mandakuyninman yaykuna llävipa wawankunata. Tsaymi kay patsachö watanqayki ciëluchöpis watashqa kanqa. Kay patsachö paskanqaykim ciëluchöpis paskashqa kanqa>>.

Kawayninta salvayta munaqkunam kawayninta oqrayanqa. Kawayninta noqa rayku oqraqkunam sïqa kawayninta salvayanqa.

Infiernuman jitarpushqa kananpaq kaptinqa ¿imapaqtan välin entëru mundupa ämun kanqanpis? Mayjina rïcu karpis manam rïcu kayninwan salvacionta rantinqatsu.

Jesúsnam tapurqan: <<Qamkunaqa ¿pï kanqätatan yarpäyanki?>> Tsaymi Simón Pedro nirqan: <<Qamqa imayyaqpis kawaq Dios Yayapa Tsurinmi kanki. Pay kachamunqan Cristum kanki>>.

Jesúsnam nirqan: <<Jonáspa tsurin Simón, rasun kaqtam nishkanki. Tsaynö ninaykipaq manam runatsu tantiyatsishushkanki, sinöqa ciëluchö Taytämi.